我哋為咗短時間睇多啲樓，去咗曼城過一晚。

【粵文字幕】下面足本版

Wise低價國際轉賬，首次免手續費
VOXI：無限社交媒體、無限睇片嘅平靚正電訊商
同我學外語
送你US$10搵老師學語言

早晨啊，我哋而家搭巴士出去Manchester。

九點？

未瞓醒，唔好問我。佢都應該……你瞓唔瞓得醒啊？

I still don’t understand點解我哋唔係搭train。

應該要兩個半鐘到……兩個鐘零三個字，係喇。噉而家可以瞓下覺先啦，九點鐘真係搞唔掂。早餐！

哈囉，我哋到咗嘞。噉呢，阿媽第一樣要做嘅嘢呢，就係係噉影下啲牆先。佢影緊乜嘢啊？

我影緊嗰兩隻好似爬緊牆。

哦，你自拍緊呀？哦噉樣，哈囉，就係噉喇。我哋今日帶咗阿妹嚟啊，好耶。好耐冇見喇，係咪啊？

好凍啊。

好凍……係啊，我哋嚟到北面呢，係即刻凍咗一兩度啦，我諗。新界再低兩三度。

好MK啊，OK，得喇。

好嘞，我哋嚟到呢一個M12嘅住宅區啦。因為呢，啱啱我哋就last-minute噉卜咗一個睇樓啦。咩話？

有隻狗。

有隻狗啊，可唔可以影佢啊？隻狗喺邊啊？嘩，哈囉，哈囉，係喇。噉就即刻……卜完即刻趕過嚟睇。我哋都睇下呢個區靚唔靚。有間小學喺度啦。但係啲屋仔都幾正，有屋仔，係喇。

你冇影到啲屋仔啊。

屋仔喺度囉。同埋個女仔都幾靚。

佢走唔到出嚟㗎。

跳吖！啊，佢唔跳喇，吓。冇興趣喇，佢。佢一開始見到你，真係衝埋嚟，狗衝。好得意啊！

呢間屋都幾大個……like, is this called…not exactly後院。

呢個係side garden。

畀人望晒嘅？

唔係，後院都可以畀人望㗎。

有欄㗎嘛，後院通常。

唔一定……好啦，佢冇興趣喇。

快啲返教會喇，哥哥。

買間教會？

可以返教會。唔係，你要買，我唔拘嘅。

又大富翁呀？

哈囉，我哋經過咗幾個viewing。睇咗幾多啊？四、五……

睇咗四個properties。

起碼四……五個，係喇，都行到傻喇。

本身六個嘅，有一個cancel咗。

真係有六個，真係玩死，係啊，所以要買下啲嘢救命啦。你就好似好大袋嘢喎，係喇。噉我哋而家應該去休息下先，之後嚟緊再同媽咪去行下呢個曼城嘅市中心啦。你熟唔熟㗎？

唔熟啊，我淨係去過商場。

好啦，我哋亂咁行啦，就。好，陣間見。

今晚睇戲。你會講「曼城」㗎？

曼城，你……唔係講咩啊？

men⁶。

順口過「曼徹斯特」吖嘛。

哦，你講中文。唔會，因為講men⁶，就噉men⁶。

哦，即係你平時同朋友講men⁶多嘅。

係，「去men⁶」。

我會講Manc囉，跟英文（嘅話）。不過做開podcast之後，好似講慣咗啲……多啲廣東話詞啦，盡量用，係啊。

賣廣告喎，我哋可以。有冇收錢㗎？唔好行咁快啦，你。

歡迎返到嚟啊。我哋呢，唞咗一兩個鐘喇，係咪啊？就唞足精神啦，飲咗啲咖啡啦。點知又終於呢，開始落雨嘞。果然呢，Manchester講咗咁耐呢，都冇落，而家就落喇。噉我哋應該而家嘗試揾嘢食啦，之後可能我哋仲會可以去睇戲添，係喇，噉樣過我哋嘅一晚。唔知落幾耐……其實就唔係好大雨喎，都。望落好大，但係呢……

其實唔擔都得囉。

其實我而家部電話係喺個雨裏面㗎，但係冇乜嘢。

落雨電話會濕囉，人濕冇所謂。

但係冇乜事喎，你feel到唔係好多雨喎。其實我唔擔都OK囉，但係媽咪就要擔。

好啦，不如我哋唔好擔啦，OK，陣間再見。

唔係影緊相啊。

好啦，我哋呢，啱啱就check out咗酒店啦，噉而家就準備行半粒鐘到嘅時間，由市中心行到去Salford，再去睇下嗰個區點樣。今次又另一個唔同嘅area嚟嘅。嗱，曼城同Salford呢，雖然係兩個唔同嘅城市啦，但係淨係隔咗條河㗎啫，所以先有「大曼徹斯特都會區」呢一個嘅稱呼。噉你可以見到呢，後面有個牌，Welcome to Salford嘅牌，同埋有媽咪。媽咪同個牌一樣顏色㗎！

臨走前呢，我哋決定去到學生區，嘗試下由嗰度行到去大學區，順便去大學裏面兜個圈啦。

佢坐咗喺嗰張凳度啊。

我哋而家去到曼城嘅大學啦，Manchester University。之後呢，我哋就……

Man U。

係嘞，噉我哋就喺入面求其兜個圈啦。之後我哋嘅目的地係咩呢？一芳，係喇。我哋唔係好care間大學，我哋care裏面嗰間一芳。

I’m here for一芳。

梗係啦，喺英國先飲到㗎嘛，好似係。唔係，反話嚟㗎。

呢度呢，就係Oxford Road喇。Oxford Road呢，就係大學街啦，一路幾間大學都喺呢度啦。

哦，呢個正門嚟㗎喂，影張相先。

之後我哋就可以喺度影相喇， 大家影相吖！

人哋影緊畢業相啊。

係啊，影張畢業相吖。