今日罕有噉離開Birmingham，嚟到「舊約」兜返轉先！

唔知喺York觀光同生活、喺University of York讀書有咩唔同，交通又好唔好得過伯明翰呢？

音樂：Rhapsody on a Theme of Paganini: Var XII, Sergei Rachmaninoff / Arr. Israel Lai
Piano: Israel Lai
Violin: Trasy Leung

【粵文字幕】下面足本版

Wise低價國際轉賬，首次免手續費
VOXI：無限社交媒體、無限睇片嘅平靚正電訊商
同我學外語
送你US$10搵老師學語言

早晨，而家係九點鬆啲，我今日就會出發去York行下、睇下間大學、同老師傾下偈。我而家其實有啲抆，因為伯明翰嘅巴士成日都遲到，所以我要提早一班，之後儘早去到火車站，然後就可以搭火車出城。佢話三分鐘到，你信唔信？睇下點。

好長嘅路，呢架巴士要兜好大嘅圈先去到市中心。話咁快嚟到伯明翰市中心新街站，我比預期中早咗兩個零字到，好多，可能因為呢個時間比較少人、少車。

睇下先，10:03，應該係呢度其中一架。我去月台等，要等四個零字。嗰度，York！Ta-da，仲有六分鐘，希望唔使等得咁辛苦，希望有一啲安全啲嘅位坐。

啱啱嚟咗Leeds之後，而家已經完全入到去英格蘭北部，應該爭十分鐘到就去到York。佢係英格蘭差唔多最北嘅幾個城市之一，呢度個風景唔知會唔會唔同啲？

落咗火車之後就出發去York嘅大學，我而家先發覺原來喺火車去大學係要四個字車程。仲要啲巴士都幾疏下，我落咗車之後，要等四個字先有巴士。但係行路都係八個字啫，所以就諗咗一陣，諗住行㗎喇。但係又想快啲，又諗過call架的士。但係的士都call唔到，佢哋好遠揸到埋嚟接我，都係遲，所以最後就變咗等咗架巴士。

好，見完老師，而家就去行下、睇下風景。原來呢一頭好多兔仔、鴨仔、鵝。當然鵝比較危險，佢哋會攻擊人，所以都係……哎，佢哋唔見晒、走晒，噉就冇咁驚。噉我哋一齊去行下呢一個校園。

你係咪想……嘩，幾惡？你有冇牙？

啲鵝走晒。啱啱我走去坐一陣，之後就開始有啲鵝走埋嚟𥇣住我，我行到邊，佢個頭就跟住郁，好惡，凶神惡煞，之後睇住佢啄嗰張木凳。佢哋而家好似休息緊，而家應該冇乜殺傷力。但係你坐低嘅話，小心，佢個頭嘅高度等於你對腳嘅高度，所以我唔知佢可以對你做啲乜嘢。同埋都有好多鴨，不過鴨就細隻，冇咁惡。好大聲，啲天鵝叫好似牛嘅聲音。

人哋話York呢間大學好有中大嘅味道。果然，企喺呢度好似企喺未圓湖中間。

我啱啱行咗去大學裏面嘅超市度買啲零食當飯食，因為佢而家暑假完全唔賣熟食。我途中就發現，呢間校園冇嘢多，就係三樣嘢多：啱啱講嘅鵝、兔仔、同埋蜘蛛網。好多蜘蛛網。

前面係咪有成家鵝喺度，咁熱鬧！嚟到York大學裏面風景最靚嘅地方，呢度就唔係個湖嚟，比較似係條河。嚇死我！行到入去就係一個好大嘅公園。啱啱同人行嘅時候，我都話：好容易喺度盪失路。前面就好似好陰森噉。

我又發現咗呢個都係一個單車城市，同伯明翰比嘅話。譬如話啱啱見完人之後，佢就踩單車走咗，好青春嘅一種生活方式。仲有呢啲係電動滑板車。呢度好大個都係單車停泊場。

返到嚟市中心嘅範圍，終於有返啲古城嘅感覺。事關York本來就係維京人嘅古城，York亦都係而家New York原本舊嗰個York。舊約……係咪舊約，哈！所以周圍都好多城牆、城堡、好舊嘅石建築。好笑嘅地方就係有人話，當時起York間大學嘅時候，為咗有啲對比，所以特登整到好多石屎，完全同啲石頭唔同嘅感覺。

沿住城牆行落去，唔知會行咗去邊？不過我仲有時間，就行住先。

做乜呢度啲停車場都好似監倉？啱啱就亂咁行，經過咗國家早期音樂中心，而家無啦啦去咗條橋，都幾摩登。

我行路行到咁辛苦，上氣唔接下氣，主要想畀大家睇下呢一個好出名嘅塔。但係同我上次嚟個樣有少少唔同咗，你一睇就知道咩事……變咗噉，所以完全唔知睇嚟做乜嘢。

我專登嚟重遊呢條咁出名嘅肉鋪街，係因為我今日先認識到，原來呢個地方，唔係哈利波特裏面斜角巷嘅藍本！所以冚唪唥都係呃錢。

幾經辛苦先撲到支梳打水返嚟，就嚟中暑嘅時候，真係要啹返下。

返到嚟車站，等幾個字就有車，我真係要唞下（慘叫）

總結返今日：朝九晚十，雖然返到屋企，太陽都未落山，但係對腳好似就嚟斬得噉。唉，下次再見。