亦可以喺各大podcast app同埋YouTube收聽。
〈絮言．狂想〉好需要你嘅支持！成為會員就可以睇到每集足本文字版。
每集碌士、連結
語言超能力人士 – 絮言．狂想布達佩斯直播（上）（客串：詹屎）
057 – 翻譯仲有冇存在價值？（客串：Francine）
〈絮言．狂想〉係我邀請兩位朋友一齊主持嘅粵語podcast節目。我哋都係語言迷，但係各自有唔同嘅語言愛好、專業背景，再加上隨時會邀請唔同朋友上嚟客串，目的係從語言出發，函蓋各式各樣嘅話題。
「絮」，係形容緊我哋嘅諗法同埋話題好似棉花噉千絲萬縷，相互交疊，亦都係形容我哋一講語言就雞啄唔斷，每一集抽一絲出嚟同大家分享。
「狂」，係講我哋好似黐線佬噉，乜嘢題目都可以傾到好深入，又可以將啲大纜扯唔埋嘅概念，一嘢拉埋一齊講。
呢個節目亦同時係畀對語言題目有興趣嘅廣東話學習者做聆聽練習用，我會打個逐字稿出嚟畀佢哋參考。