Cass：有啲人雖然係叫做正常，但係可能全部喺二十嗰度呢，其實都……我覺得都係偏……我會話……同佢講話，你有少少唔正常㗎，我都會噉講㗎喇。

苗：擝車邊。

以：「你有少少唔正常喎，先生！」

Cass：係囉。

[jingle]

以：歡迎返到嚟《絮言．狂想》第八十五集，我係以色列。

苗：我係三苗。

靳：我係靳尼啊。

苗：吓？我講㗎嗱？

以：係啊，係㗎。

苗：今日呢……今日呢，我哋都好熱鬧啊，我哋有……同……比平時多咗三十三 percent嘅主持啊。

以：哦，主持㗎嗱？而家係。

Cass：哈囉，大家好。

苗：係啊。

Cass：Guest啫，我係guest。

苗：好介紹返，呢個係……喺我身邊，如果……我唔知大家其實睇唔睇到嗰個片啦，噉我哋未決定出唔出片啦，如果出片嘅話，大家就會見到我隔籬啦。噉呢位就係我老婆啦。噉Cassie。噉就大家……

Cass：係。哈囉。

苗：介紹返先。介紹下自己。

Cass：哈囉，大家好，大家好，我係Cassie。Hi。

苗：係，噉點解你今日喺度呢？

以：係咪因為佢身分特殊，所以直接跳上去主持啊？

Cass：就唔係……

以：就唔係嘉賓，直接跳咗……跳呢。

Cass：Guest嚟嘅啫。

靳：係嘞。因為係老婆，所以一跳就跳咗上主持嘞。

苗：係啊，有特權㗎。

以：係啊。係喇，唔使等嘞。特權啊，真係。

Cass：好榮幸。我一路都好想參加，即係做……作……join呢個節目嘅，其實。等咗好耐。係喇。終於都……

苗：細細個開始，就……就已經想join喇。

靳：又係細細個已經開始……

以：等你邀請佢咋。

Cass：第一集開始，我已經想喇。

以：你做咩冇參透佢嘅心思啊？

Cass：真係，一路等等等等等，心諗：咁耐都未問我嘅？噉樣。跟住我就……上一次去曼城，見阿Israel嘅時候，就……就決定：啊，不如我主動……主動自薦啦！噉就嗰時開始就……係囉，終於都到今日喇。

以：你等人哋自薦？

苗：你要講下你嘅專長喎。

Cass：係，我……我而家喺愛丁堡度做聽力學家嘅。或者英文就叫au……audiologist啦，有啲人就會叫聽力師啦。不過都冇乜所謂啦。

苗：有個師字好似好勁噉樣。

Cass：但係我鍾意學家多啲喎。

以：邊個勁啲……啊，係囉，我聽學家，我覺得學家勁啲喎。

苗：學家都勁。兩樣都好似好勁。

以：係咪因為我學術界啊？

Cass：即係好似語言學家噉樣，係咪啊？

苗：語言師？

Cass：Linguist。係。我覺得學家好聽啲。

靳：「語言師」係唔知係乜嘢嚟㗎喎。

以：「師」好似係technical……

苗：但係近排好似好多呢啲「師」嘅……嘅term，好似近排係多咗喎。但係通常係啲比較……

以：總加速師。

苗：嘩，講得㗎咩？呢啲。但係通常係一啲比較……即係casual，本身唔係真係一個職業嘅，但係佢就加咗個師喺後面囉。

Cass：例如呢？

苗：例如呀？例如嗰啲咩……我都唔知喎。

以：調理農務。

靳：咩肉類切割師噉樣。

苗：即係通常係搞笑㗎嘛。係啊，即係一開始係搞笑嘅，但係……

Cass：分割員呀？

苗：但係聽落去好似突然間好pro噉樣。

Cass：係囉，即係我通常我……我……譬如我讀linguistics嘅時候，即係我又要解釋咩係語言學啦。跟住而家做audiologist嘅時候，啲人……又要人……又要解釋咩係audiology啦。即係成世都係噉解釋噉樣。

苗：呢個無盡嘅……

以：係囉，做咩唔做肉類分割員呢？噉咪唔使解釋囉！係咪？

苗：最簡單、最唔使解釋嘅職業有啲咩啊？咩醫……

Cass：巴士司機啦！

苗：醫生、律師……嗰啲囉。

Cass：司機囉。

以：做咩一嚟就係醫生、律師嘅？亞洲人。

苗：因為你……你細個，噉你學英文噉樣，噉頭幾個學嘅職業，嗰啲咩nurse、doctor、lawyer，噉樣㗎嘛。

Cass：啊，都係。都係，都唔使解釋。

以：大個想做咩啊？

Cass：老師囉。係囉。

以：Astronom……

苗：Astronomer！

以：唔係，astronaut。

苗：Astronaut喎，係喎。

以：唔係astronomer，係喇。Astronaut，係。

靳：Astronaut，係。

苗：Astronomer都冇人要喎。

以：Astronomer太學術喇。

Cass：哦，即係嗰啲研究嗰啲。

苗：天文學家。

Cass：學家。

苗：我哋有friend係天文學家。喺呢度。

Cass：都幾型，個名。

以：哦，呢……你喺……你嗰度。你愛丁堡嗰度。

苗：係啊，都係香港人嘅朋友，有呢個天文學家嘅。

Cass：一齊打麻雀嘅雀友。

以：哦，即係佢喺天空裏面打啲雀落嚟噉樣。

苗：係啊，係啊。係。我唔知點應你。

靳：呢個學術嘅雀友group，全部都係喺唔同嘅學術圈子度打滾嘅。

以：唔同嘅學家。

苗：係啊，已經有有博士學位嘅人啦，跟住有……係咪有兩個即將有博士學位……唔知啊，好似好多噉樣。跟住……

Cass：哦。嗰個……嗰個天文嗰個，都係已經博士喇。

苗：係，已經係博士。係囉。所以已經有。

以：都係羣埋啲食腦嘅人。

Cass：而家周街都係博士，下話？

以：其實可能係因為噉。因為呢個世界太多博士。唉。

Cass：Sosad！

苗：係啊。係啊，周街都係啊。都冇……貶值㗎！冇用㗎！啲博士學位。讀嚟唔知做乜。

以：真。真……真係真係。報麥當勞都做唔到，唉。上次阿嘉賓阿Melody呢，佢都係話唔知點解佢識埋晒啲人，都係……都係博士嚟嘅。博士生囉。

Cass：真係好多啊。

苗：博士生。

以：所以……真係好多。

Cass：噉我介紹……簡單噉講咩係聽力學啦，其實即係簡單啲嚟講，就係即係驗下人耳。就好似……我通常會簡單同人講，就係好似視光師，但係耳仔版，就係……就係聽力學家噉樣囉。因為通常講係驗耳啦，即係啲人就會話：係咪即係耳鼻喉科醫生啊？跟住我就話：噉嗰個就係耳鼻喉科醫生啦。即係都有名你叫，係唔同㗎嘛。

以：又好似係。

苗：但係視光師，跟住就……但係又好似唔會話「係咪眼科醫生啊？」噉樣喎。

Cass：係囉。

以：係喎。

Cass：噉所以我通常用視光師講完，佢哋就明㗎喇。噉我唔使再講。

苗：因為……係咪因為大家都有驗眼嘅經驗？即係小朋友驗眼，係會多過小朋友驗耳㗎嘛。

靳：係啊，係啊。

以：係啊，係啊。

Cass：係啊。

苗：通常，係咪啊？配眼鏡嘅人好多，香港人個個都戴眼鏡。

Cass：都好似係。

以：即係大家都熟咩叫視光師啊。都見過嗰個咩冰島嘅屋仔噉樣。

苗：冰島紅色屋仔。

Cass：但係驗耳原來都係好common㗎喎。

以：吓？係呀？

Cass：我……我問返，好多人細個都有驗過耳㗎喎。

苗：有嘅，佢喺個……我入過嗰個……

靳：香港學童保健好似係……係有㗎。係。點都要驗一次㗎嘛。

苗：係啊，我入過嗰間房仔度㩒掣。小……唔知小三定咩。

Cass：但係我就冇印象嘅，我完全冇印象。係囉。係喇，嗰個就幫你……即係你㩒掣，然後幫你驗耳嗰個，通常就係聽力學家囉。通常囉。不過都未必係。係囉。跟住會配助聽器啊，跟住有啲耳科相關……即係耳仔……同耳仔相關少少嘅嘢，譬如平衡系統嘅問題啊、耳鳴啊，或者嗰個……cochlear個個叫咩話？

苗：耳蝸呀？

Cass：係啊，人工耳蝸嗰啲。噉當然……

以：係，呢個我識。

Cass：係嘞。安裝個人工耳蝸嘅一定係醫生啦，做手術㗎嘛。噉但係聽力學家就係用……即係嗰個幫……幫人去tune返個人工耳蝸嘅，嗰個就係聽力學家囉。係喇。

靳：哦。即係我去睇《看我今天怎麼說》嗰個人去調嗰個人工耳蝸，坐喺度同佢講嘢嗰個人，就係聽力學家喇。

Cass：就係嘞，冇錯。

以：係啊，係啊。

Cass：就係噉。

[07:10]

以：可唔可以好快噉解釋下你tune嗰個……嗰嚿嘢，係即係咩意思呢？點樣為之tune佢呢？

Cass：我就冇接觸過人工耳蝸嘅嘢嘅。

以：哦，OK。

Cass：因為我係做NHS嘅，即係英國嘅HA啦，簡單啲。噉就冇人工耳蝸……

以：蝦！蝦膏！

靳：蝦膏，我都諗到。

Cass：係喇，冇人工耳蝸嘅department……嘅部門喺愛丁堡囉，所以就唔關我事囉，係囉。

以：哦，OK，OK。

Cass：係囉。但係助聽器嗰啲點tune，就好簡單嘅啫。你驗完耳，噉就係直接開個software，然後就佢……佢會根據嗰個聽力嗰個result去……去即係出咗出嚟噉樣囉。即係講得好差。即係佢……

以：即係自動㗎？

Cass：係喇，自動就會已經出咗，噉之後再用手調校返，啱返嗰個最舒服嘅音量，噉就得㗎喇。係喇。噉有樣嘢叫……叫做REM，Real Ear Measurement。

靳：你講REM我以為瞓覺嗰個REM。

苗：瞓覺吖嘛！

以：我都諗緊瞓覺啊。

苗：大家同一個brain cell。

Cass：點解嘅？點解係瞓覺？

苗：REM sleep吖嘛。

Cass：哦！

靳：REM sleep。

以：係啊。

靳：即係隻眼郁得好快嗰段時間，就叫做REM。

Cass：係嘞，噉有樣嘢就叫REM，英文就係Real Ear Measurement啦，噉中文就係真耳測試啦。噉簡單啲嚟講，就係我哋會擺個好細嘅一條有個窿嘅管仔，喺人哋個耳道啦。噉然後再連住個機器啦。噉個機器就會播一啲聲出嚟，然後呢，就可以測試到嗰個助聽器……即係之後我哋要放返助聽器喺個耳道。噉就會測試到個助聽器，究竟有幾多聲係到達咗嗰個人嘅耳膜嗰度。

苗：係個……「耳道」係講緊「喺個耳嗰度」吖，定係個耳道裏面？

Cass：喺耳……耳道嗰度。

靳：喺個耳道嗰度……

苗：喺個耳道……嗰度。

以：喺依度嗰度……耳道。耳道。唔係依度。耳道。嗰度。

Cass：係喇，耳道嗰度入面。噉樣囉。噉因為每個人嗰個耳仔……

以：係，喺耳道依度。

Cass：係嘞，每個人嘅耳仔個形狀係唔同㗎嘛。噉所以唔可以就噉自動配，就會好一百percent fit，就好難嘅。噉所以呢，就即係最近咪Apple個AirPods，就話可以做助聽器嘅？噉嗰個其實……

以：啊，係啊！我有聽講啊！

Cass：係喇，嗰個其實呢，如果你係好窮，afford唔到助聽器呢，係真係一個幾好嘅選擇嚟嘅。即係點都好過係求其揾個擴音機嘅。

苗：貴過AirPods喎。

Cass：係……係囉。因為助聽器係好貴嘅。平均cheap嘅話呢，都一萬走唔甩㗎喇，港幣一萬走唔甩。

以：嘩！OK！嘩，爭好遠喎。

靳：真係好貴喎。

The rest of the transcript is available to Patreon members.