Rhapsody in Lingo - 語言 • 音樂 • 旅遊

絮言．狂想#035：官長，的是

16/05/2022 by Israel·0 Comments

點解格陵蘭文嘅字咁難search？原來同一篇書面語新聞可以有三個解讀方式？Google嘅平面設計師又同阿拉伯文有咩血海深仇呢？今集嘅《絮言・狂想》同大家探討下「中文」，順便潤下全世界最大嘅科技公司。

喺YouTube收聽

成爲 Patreon 會員除咗有足本逐字稿，仲有得投票、參與Discord添！
如果想單次打賞，亦都可以請我哋飲杯咖啡！

去英國．自由鳥：三大無合約電話卡，親身評測！（2022）

01/05/2022 by Israel·0 Comments

嚟英國生活好多嘢要煩，手機嘅嘢有得用就得，唔值得為咗佢嘥太多時間、心力。簽合約綁你一兩年，而我哋生活咁多變數，隨時可能要轉電話plan、轉台，太多數計喇。香港無合約嘅電話供應商最出名嘅就係自由鳥，嚟到呢邊，有冇相似嘅服務？

有，好多添！

我喺英國住咗兩年半，用咗兩年3（誠哥嗰個）嘅學生合約，£16/30GB，之後就幾個月之內試勻晒三大間無合約嘅供應商：giffgaff、SMARTY、VOXI。雖然仲有其他嘅供應商，有啲仲要係大台自家出嘅，但係多數都唔多抵用。

我而家就憑我親身嘅經驗，講下喺三個情景之下，用邊個台係最適合。

如果你冇時間慢慢睇比較，結論就係：

想入境前上定先：giffgaff
當寬頻用：SMARTY
住落後最抵玩，無限社交媒體、無限睇片：VOXI

想知我點解噉講，就睇落去啦！

絮言．狂想#034：如果你自己有誤導畀，會我你都唔幫可以

22/04/2022 by Israel·0 Comments

Snapchat 竟然開始轉型用 AR 教語言？聽 Gaelic 嗰陣點解第一個字通常最容易明？原來學日文係砌積木，但係講格陵蘭文就係玩黏土？今集《絮言・狂想》帶大家探索語言分類學，用宏觀嘅方法睇語言。

喺YouTube收聽

成爲 Patreon 會員除咗有足本逐字稿，仲有得投票、參與Discord，同埋以下額外內容添！
-蓋爾語、威爾斯語結構比較

如果想單次打賞，亦都可以請我哋飲杯咖啡！

報名參加Polyglot Gathering Online 2022！

絮言．狂想#033：廣東話達人挑戰陰謀大拆解？（客串：阿葆、Oscar）

10/04/2022 by Israel·0 Comments

近排喺英國詩歌大賽得獎嘅《Fricatives》究竟同語言學有咩關係，有幾深嘅意義？最近風靡全港嘅達人挑戰，廣東話版居然有大陰謀！？呢度個「呢」可以帶我哋返到去民族同化嘅起點？

今集我哋有幸邀請廣東話達人挑戰嘅兩位創作者阿葆同Oscar，同我哋一齊探討香港人對擦音嘅困惑，拆解達人挑戰背後嘅驚人發現。

嘉賓：
阿葆
Oscar

喺YouTube收聽

成爲 Patreon 會員除咗有足本逐字稿，仲有得投票、參與Discord，同埋以下額外內容添！
-飲水會發出乜嘢聲？

如果想單次打賞，亦都可以請我哋飲杯咖啡！

Eeee ee ee！絮言．狂想第二次直播

24/03/2022 by Israel·0 Comments

好開心又同踴躍嘅Patreon支持者吹水！大家引發咗好多好有趣嘅討論。

喺YouTube收聽

如果想參與下一次直播，即刻嚟Patreon課金支持，除咗有足本逐字稿，仲有得投票、參與Discord，同埋【豐富】額外內容添！
-語言迷最大嘅困擾係……？
-韓文輸入法打到中文字？
-乜嘢係意粉？乜嘢係茶？
等等等等！
如果想單次打賞，亦都可以請我哋飲杯咖啡！

乜dinner唔係晚飯咩？？

14/03/2022 by Israel·0 Comments

香港人學英文，不嬲用breakfast、lunch、dinner稱呼早午晚三餐，最多學過supper作為dinner嘅同義詞。

但係隨住多咗香港人嚟英國做嘢，我開始有朋友察覺到，中午會有本地同事話食dinner，或者小朋友嘅學校稱午飯時間做dinner time，聽到一頭霧水。

唔通同日短夜長有關係？

原來唔係！

比較少接觸英國文化嘅人，可能對英式英語嘅印象，限於BBC新聞、或者國際著名英國演員嘅posh（上流）英文。

但係英式英文嘅地區變化、甚至方言嘅分別，比起其他英語國家，以及好多「大路」語言，都為之豐富。「晚餐」呢個詞，正正體現到由以前到而家，各種用法上嘅分歧。

以前嘅分歧

同美國唔同，英國社會裏面嘅矛盾、分歧，主要都係因階級而生。

上集講嘅北京冬奧啱啱落幕，二月底，普京揮兵入侵烏克蘭，造成一場又一場嘅人道災難。

全世界都非常關心呢場戰事，但係未必熟悉嘅係，原來語言同俄烏兩國嘅關係，息息相關。

點解總統澤連斯基，唔係以烏克蘭文為母語？講「基輔」定「基耀」，都顯示你嘅政治取向？點解戰爭一爆發，烏克蘭人紛紛喺網上表明以後唔寫俄文？俄文強勢之下，烏克蘭文點樣喺自己嘅國土復興？

今集《絮言．狂想》，同各位了解下語言對烏克蘭國民身份嘅重要性，而今次Patreon同Buy me a coffee上嘅收益，將會全數捐畀烏克蘭人道援助機構，希望大家多啲分享呢集，一齊支持佢哋撐落去。

Слава Україні.

喺YouTube收聽

成爲 Patreon 會員除咗有足本逐字稿，仲有得投票、參與Discord，同埋以下額外內容添！
-淺談斯拉夫語「硬、軟」元音
-「蘭」仲有一個意想不到嘅意思
如果想單次打賞，亦都可以請我哋飲杯咖啡！記得留個message支持烏克蘭，你嘅貢獻就會併入我哋嘅捐款。