靳：你奸賴嘅！
苗：即係咩啊？即係你偷偷哋將嗰啲書本嘅內容記喺個腦度，噉你老師就唔知你考試嘅時候出貓。
以：我係出緊貓㗎！我係open book㗎！不過本書喺個腦裏面啫。我喺腦裏面打開本書。
苗：偷偷地記咗佢，係啊。
靳：喺個腦入面打開本書。
以：係啊，出貓。
[jingle]
以：歡迎返到嚟《絮言．狂想》第七十九集，我係以色列。
苗：我係三苗。
靳：我係靳尼啊。
以：你嗰度成……成三秒鐘，咩事？
苗：係咩？
以：係咪……係咪我同你已經有……有好大delay。唔緊要，呢個唔係直播嚟嘅！所以有delay唔緊要嘅！講開直播呢，我噚日成個互聯網畀人哋洗晒版喎。今日係四月五號啦，我哋呢度唔知出街係幾時啦，噉但係大家知唔知噚日發生咩事啊？
苗：係噚日定係前日啊？好似已經多過一日㗎喇。
以：噚……係咩？我都唔知喎，噉又。
苗：我感覺上係耐啲。
以：前……早兩日。
苗：係喇，呢兩日啦。
以：呢兩日之內嘅事。
靳：呢兩日之內。
苗：係。可能出街嗰陣呢，即係呢樣……呢單嘢已經冇人記得。
以：過眼雲煙啊。
苗：噉就係早兩日呢個streamer啦，即係呢個好出名嘅……嘅……嗰啲叫咩啊？實況唔知咩主，係咪啊？
靳：直播主啊。
苗：呢個……講唔講得㗎？呢個term。實況主。
以：咩叫實況主啊？
靳：咩叫實況……直播主我就聽過，實況主係乜嘢？
苗：即係livestream。係噉叫㗎喎！好似。即係佢真係喺條街度……
以：你過主啦！
靳：過主！
苗：佢真係喺條街度……係嗰啲直播啲人吖嘛。
靳：係喺條街度行路 。
以：係。
苗：係啊。噉有個叫做iShowSpeed嘅美國嘅streamer啦，噉佢就嚟咗香港啦……去咗香港。噉就……
以：咦咦咦咦？咦咦？香港本位？
苗：令到……係啊。令到好多人喺度講啦。噉嗰個實際嘅effect就係我成個Threads都係呢個iShowSpeed嘅片囉。或者講緊佢嘅人囉。。
以：係啊，啲人好勤力噉樣cut出嚟。
苗：係啊，有好多嗰啲短片囉，睇到……
以：Cut咗好多短片出嚟。
靳：其實我想知呢，呢個人嚟之前，究竟幾多香港人係識佢㗎？其實。
以：我真係唔知。我識佢囉，因為我又唔係睇佢，但係我睇其他YouTuber，出現過佢嘅蹤跡。
苗：我見過佢個樣，但係呢兩日之前，你問我叫……佢叫咩名，我係講唔出嘅。但係我會覺得佢個樣好似好熟面口囉，好似唔知邊度見過噉樣囉。
靳：我係完全唔識呢個人嘅，係啊。
苗：哦。
以：我知佢個性格係……嗯，獨特啲啦，係喇。係佢個……
苗：噉佢嗰個……我覺得係佢個角色嚟嘅，佢少少佢直播嗰個persona仔。
以：係啊，係啊。
靳：佢要做出嚟。
苗：噉樣。即係好似東方昇噉樣囉，即係有少少癲癲得得噉樣嘅性格。
以：其實好多人話係似東方昇㗎嘛。
苗：係啊，係啊。
以：即係話：點解唔揾東方昇出嚟同佢……
苗：係啊，點解要揾托哥吲？
以：……interact噉樣。呢個就係一個問題。即係到底成件事……即係因為……雖然理論上只係即係……哦，一個互聯網嘅明星，噉樣嚟到香港周圍行噉樣。噉但係某程度上變咗係好多人討論緊我哋點樣代表香港嘅文化，香港呢個地方嘅特色係點樣啦。噉當然當中都包括譬如話佢睇咗啲乜嘢啊、食咗啲乜嘢啊，好多人討論啦。噉但係當然我哋《絮言．狂想》呢，就主要喺度睇緊：嗯，到底廣東話呢個語言，啲人係點樣對外國人介紹呢？即係譬如話呢個一般美國人啦，嚟到香港都係唔知任何關於……咩係香港、咩係廣東話，任何嘢都唔知㗎啦。噉之後你會點樣同人哋介紹呢？或者其他香港人會點樣同人哋介紹廣東話，或者香港文化呢？啊，呢個好複雜嘅問題。
苗：好似呢樣嘢大家都知個答案係咩喎。即係教……教你講粗口先吖嘛。
靳：呢個係大家清一色都會做嘅嘢嚟喎。
以：咩叫知個答案？
靳：我係唔知點解。
苗：呢個好似係……
以：呢個係標準答案嚟㗎，係咪啊？
苗：呢個係啊，標準答案。
靳：唔係，香港人好鍾意標準答案㗎嘛。
以：真，呢個真，呢個真。
苗：係啊，而家DSE啊。講起呢個標準答案。
以：考緊試，大家加油，大家加油。
苗：加油。
靳：大家加油！係。
以：係。我唔知啊。就係大家就一定會去咗嗰度先囉。係啊，因為就算我睇……凡親有任何呢啲噉嘅情況出現，譬如話香港人喺外國生活噉樣，同啲同事溝通。噉之後人哋問佢：你個母語係乜嘢啊？噉之後香港人嘅反應係咩呢？就係：啊，教你……係喇，教咗你屌人冇腦……老母先，係。
苗：「Hello in Cantonese is屌你」噉樣。
以：你有冇試過做呢樣嘢啊？我諗。我好好奇喎。你從來有冇試過做呢樣嘢呢？
苗：應該冇喎，教……即係特登第一句就教粗口。首先教人廣東話機會，又唔係真係咁多啦。第二，好多我識嘅人，佢都係本身對語言有興趣嘅，可能佢自己已經學咗少少。
以：哦，你……
苗：所以好難係第一句就教佢……即係好難係佢完全唔識，然之後我教佢第一句廣東話囉。本身佢可能已經識啲囉。
以：你……你啲sample有啲……有啲……可唔可靠？一嚟就可能教咗佢個語法點樣先。係啊，我哋啲句末助詞係咩「啊」嗰啲……一嚟就教佢呢個先。
苗：係啊，最近我……最近有個新朋友，佢係學開日文嘅。噉佢都學緊廣東話，噉但係佢自學啦，噉所以就我好多會靠……其實佢會識得用日文推到好多嘅嘢出嚟囉。佢有時會估：啊，廣東話呢個音點讀呢？有時都會估啱囉。不過好多時都唔啱。有好多時係嗰啲……嗰啲vowel呢，嗰啲元音會估唔到囉，因為你日文得嗰五個，噉你廣東話都……都……都幾多啦，啲元音。
靳：都幾多。
苗：噉所以唔係即刻就估到囉。
靳：相比起廣東話嚟講，日文又係足……冇咗好多資訊嘅，噉所以佢要推出嚟，其實係要補返好多冇咗嘅資訊嘅。
苗：係啊。
以：即係好似我推日文音、推普通話音，都係噉樣推出嚟，容易啲嘅。但係你話：啊，冇乜機會教人哋廣東話，噉所以好多香港人就話：哦，噉既然係噉呀？噉梗係把握呢個機會，教咗……
苗：最重要嘅嘢吖嘛！
以：我哋語言嘅精髓先啦。
苗：精髓啊。最盞鬼嘅地方。
以：精髓啊。最盞……
靳：最盞鬼……
以：好似盞鬼唔係……我哋唔會話粗口盞鬼㗎喎！係講其他啲語句盞鬼。
苗：嗰啲叫咩啊？好有神髓！唔係……好生動！
靳：好有神髓，係吖，好生動，係。
以：係啊。
苗：即係都係嗰啲囉。
靳：好多花款。
以：但係唔會話粗口係盞鬼。
苗：都得嘅……得唔得啊？好似有啲奇怪啊。俗語盞鬼囉，但係粗口又好似唔係盞鬼。
以：係啦，係啦，係啦，係啊。所以兩……兩樣都會。但係盞鬼嗰啲呢，你好難教人吖嘛。即係人哋要有……首先要明白每個詞咩意思。
苗：係啊，真。
以：噉之後有個context幾時會用、點解用呢個比喻、用咗同我哋嘅文化、個背景有咩關係。即係可能你有某一啲文化背景影響你……令到你會講呢樣嘢，會覺得好有趣嘅。噉人哋就唔覺得有趣嘅，喺其他文化。即係好似譬如話我想溝女，我講「我有間屋」噉樣。
苗：呢個係抽水嚟。
靳：呢個真係唔知做乜嘢，呢個。
以：係啊，呢個……呢個就係……係喇，大家如果冇睇到呢，就係YouTuber阿托哥，噉就教iShowSpeed點樣溝女，就第一句就講「我有間屋」四個字。
苗：我有樓。
靳：即係……呢……即係呢個係香港人可能十分會畀三分，跟住外國人係會問號囉。
苗：吓？黑人問號囉！佢……所以佢咪。
靳：所以佢咪真係黑人問號囉！啱啊！
苗：心諗咩事。
以：佢係黑人問號啊。
苗：係啊，會唔get囉。即係呢啲……呢啲咁文化specific嘅gag，就會噉樣……我哋叫做lost in translation，即係你翻譯完之後，就算用英文讀出嚟，就會唔好笑囉。
以：係啊。你要……係啊，我哋以前讀翻譯都係噉，你要揾返嗰個文化裏面，有冇相應嘅有趣嘅地方呢？即係有時真係冇嘅，噉你就譯咗都冇意思囉。
苗：即係美國係點啊？即係我有呢個……呢個醫保！我乜都保晒！
以、靳：嘩！
以：即刻槍殺你先！
苗：或者我冇學債！
靳：我冇學債！係 ，我冇學債。
苗：我cash pay嘅！我讀大學。
以：呢個屈機喎。
靳：犀利，真係，呢個。
以：你……你讀……讀大學？讀到你個人鈍晒。但係同埋我見到人哋話好似有人教咗阿Speed講咩類似屌你噉樣嘅嘢啦，我唔肯定啦。噉之後呢結果就……
苗：唔係，delay no more啊，有人教佢。
以：啊，delay no more！哦，就delay no more。吓？
靳：Delay no more！係。
苗：佢嗰條片呢，我唔知嗰度邊度嚟嘅，有個好似車站嘅物體，係咪海洋公園啊？我唔知啊，即係總之好似唔……唔係地鐵站。
以：好似係話去咗海洋公園。
苗：佢去咗海洋公園，但係我唔知嗰條片喺邊度啦。跟住佢就喺個路軌對面，就嗌……有個人喺對面，噉佢就嗌：delay no more！即係佢好似美國口音噉樣講，啲…… 啲r要r返出嚟噉樣。
靳：R。
苗：噉跟住對面嗰個人就唔知做乜囉。就佢都問號囉。
以：即係就……就好快噉樣開車嘞，因為就唔好delay嘞。
苗：係啊。跟住總之成件事都好……好尷囉，好kam囉。
靳：尷尬囉。
苗：不過可能呢個係佢嘅特色嚟嘅。
靳：可能尷尬都係一種幽默嚟嘅。
苗：係。
以：都係嘅。
靳：係係。
以：同埋delay no more就直情……即係傻嘅都知唔係廣東話嚟㗎啦，不過唉，係啦。你覺得噉樣教人哋呢啲嘢有咩問題呢？即係……其實係……係幾有趣嘅，即係……因為譬如話我最近又識啲波蘭人啦，噉佢哋都好……都問我：啊，你識唔識嗰啲粗口點講啊？好……好有精髓喎，即係好……好多微細嘅變化喎。噉我都好鍾意嘅，其實就。嘩，我覺得好正喎，同一個字根，加唔同嘅前綴，有好多唔同嘅意思喎。噉但係個前題就係我本身識呢個語言囉。

The rest of the transcript is available to Patreon members.