中國教育部想香港點改變語言教育政策?iOS加拼音打粵語但係冇粵語輸入係咩玩法?究竟同志要驕傲定自豪?原來單數they仲耐過單數you?點解瑞典文要抄鄰國話嘅「佢」?點解唔可以講「我娶畀你」?

今集絮言.狂想同你跨越「同志自豪月」 (Pride Month),遊走喺語言、社會、性/別之間。

喺YouTube收聽

成爲會員除咗有足本逐字稿,仲有得投票、參與Discord,同埋以下額外內容添!

  • #Pride 廣東話點譯好?
  • gay有冇大細階之分?
  • 親戚稱謂有冇得性別中立?
Continue reading

絮言.狂想 #015

香港人口講粵語,手寫華文,看似獨特,但係原來唔少地方都有呢種「雙層語言」(diglossia)嘅現象!

古今中外,有啲文化會言文不一,有啲就會根據語境,選用唔同嘅口語。到底仲有咩「玩法」?喺邊度又會揾到呢啲現象?其實正式、日常語言嘅分野,又算唔算係雙層語言嘅一種?

喺YouTube收聽

多謝Patreon嘅支持者,首次投票選出本集主題!

成爲會員除咗有足本逐字稿,仲有得投票、參與Discord添!

Continue reading

polyglot gathering 2021 Cantonese language practice room

過去呢個星期一(2021-05-24),一年一度嘅Polyglot Gathering圓滿結束。

今年活動原定喺波蘭進行,但係同舊年一樣,因為疫情仍然肆虐,所以轉為網上活動,真人聚會再順延一年。

所以今日想同大家介紹一下Polyglot Gathering呢類型嘅活動、我今年嘅感想、同埋點解都應該參與。

預先同大家講定先:今年十月嘅Polyglot Conference都一樣會喺網上進行,如果你比較難親身飛嚟飛去,記住捉緊機會,報名參與

咩係語言迷(Polyglot)活動?

如果你少接觸西方嘅語言迷網上羣體,可能冇乜聽過polyglot呢個詞。Polyglot喺希臘文解「多種語言」(「語言」同「脷」係同一個詞,好多語言裏面都係噉),個字喺過去十年左右喺網上普及化,最常見係喺YouTube講好多語言嘅人。

Continue reading

絮言.狂想 #014

電影《波斯密語》(Persian Lessons / Persischstunden)正如原著嘅書名噉,講述一個虛構語言嘅誕生。原來歷來唔少嘅電影、小說,都有特登請人設計人工語言。

亦都有語言係為現實生活而設計,畀某啲羣體,甚至全世界作為共通語言。

其實點先為之人工語言?我哋本身嘅語言又有冇人工成份?一齊嚟傾下啦!

喺YouTube收聽

成爲 Patreon 會員除咗有足本逐字稿,仲有以下額外嘅獨家內容添!

  • 語言迷短評《天煞異降》(Arrival)
Continue reading

絮言.狂想 #013

台語係唔係台灣人嘅語言?台語點解可以叫做「台」語?台語又係唔係閩南語?今時今日又有幾多人識講?

今次邀請到對台語、台灣文化興趣濃厚嘅良淩,一齊探討下現今台灣人對本土語言嘅觀感,同埋台語同華語(國語)嘅關係係點樣。

香港粵語面對打壓加劇,會唔會步台灣本土語言嘅後塵,變成少數語言?廣東話人想學台語,又會有幾難呢?

講台語,當著時,咱這擺做伙來絮言.狂想!記得喺唔同平台訂閱、留個正評啦!同埋都喺留言裏面同大家分享下你嘅睇法吖!

嘉賓:
良淩

喺YouTube收聽

成爲 Patreon 會員除咗有足本逐字稿,仲有以下額外嘅獨家內容添!

  • 「元音大挪移」與廣東話音變
Continue reading

絮言.狂想 #012

究竟發生咩事???

點解上一集《絮言.狂想》完全聽唔明嘅??

原來係用咗前十一集半嘅逐字稿,由電腦透過n-gram語言模型生成出嚟嘅模擬節目。今集就請三苗嚟解釋下呢個過程,同埋機械學習喺各種語言應用嘅貢獻、限制。

未聽嘅話,快啲去聽返上次嘅愚人節特備節目先!

喺YouTube收聽

記得喺唔同平台訂閱、留個正評啦!如果你對呢啲議題有自己嘅見解,都好歡迎你留言反映!

成爲 Patreon 會員除咗有足本逐字稿,仲有以下額外嘅獨家內容添!

  • 電腦點樣拆解英文詞?
  • 愚人節特備節目原稿VS最終版比較
Continue reading

絮言.狂想 #β

語言、文化相關嘅點滴。點解ielts往往令人把幾火?搬去一個國家住,未必好容易就學到佢嘅語言同以色列嘅老本行——音樂嘅關係,靳尼同三苗就分享下譯國歌又同譯其他歌有咩唔同?

乜原來一班聾人係點知道應該點分類?日文原來一班聾人小朋友一齊返學玩就可以[已屏蔽]之外,原來有十幾隻近親語言愛好者練習……亦即係絮言狂想〉,我哋四丁友一齊估,然後再聽下兩位主持一一拆解……譚仔話?

今次仲會回應第一集裡面嘅詞,都係同一個月可以同時存在幾多個平行語言愛好者練習……然後無限延伸、偏離主題……亦即係絮言.狂想啦!

(呢個節目喺YouTube都有,快啲去訂閱!)

Continue reading