Bonnie：要學返啲爛仔德文囉，我會覺得。好多時，你講嗰啲德文係可能會係比較……即係好多嘢都啱。其實有好多𡃁仔呢，你有時候聽佢講嘢呢，你都會覺得好似呢……如果用香港嘅講法，就係好MK嘅。
靳：係。
Bonnie：係啊，即係心諗：嘩，做咩咁MK？噉樣啦。我唔知道邊度……即係我……我translate唔到呢個MK嘅concept畀任何德國嘅朋友聽啦。但係我真係覺得：嘩，好MK。但係有時候呢，你要變得似返一個local呢，你要唔一定話要去到好似佢哋咁MK嘅，但係你要有時候適當哋加一啲MK touch呢，係會令到你同佢哋近啲嘅。
[jingle]
以：歡迎返到嚟《絮言．狂想》第七十二集，我係以色列。
苗：我係三苗。
靳：我係靳尼啊。
以：係喇。話咁快就已經又一個月啦，我哋大家都好忙啦，好多埞去啦，所以變咗我哋又想夾時間，又夾唔到。
苗：好多埞去。
以：好多埞去，冇錯啊。梗係講埞啦，唔係講咩啊？
靳：好多埞啊，係。
苗：去邊處(syu3）啊？
以：係啊。噉我哋咁啱呢，今日又有嘉賓上嚟喎。不如介紹下先，阿嘉賓你叫咩名啊？
Bonnie：我叫Bonnie啊。你好啊，大家好啊。
苗：哈囉。
以：其實係咩事呢？本來呢，今日我哋諗住三個錄㗎咋。但係呢，阿Bonnie呢，就千里迢迢，就飛嚟探我啦……或者同埋其他人啦，唔係淨係我嘅，係嘞。
苗：有朋自遠方來。
以：有朋自遠方來，噉之後佢又話今日晏晝冇埞去喎，係嘞，噉我就話：咦？不如順便就上嚟傾下偈啦！係，真係順路㗎啫。噉呢，某一啲聽眾可能會認得佢把聲嘅。點解呢？
苗：好忠實嘅聽眾。
Bonnie：要好忠實囉。即係我有一次，就係阿以色列過咗嚟呢個柏林嘅時候呢，佢係有揾我傾咗兩句嘅，噉樣。我哋去咗散步嘅，所以就有機會可能會認得我啦，大家好啊。
苗：哈囉。
以：係喇，就係我哋嗰陣時拍咗條片啦。噉我有一個系列呢，就係喺德國、波蘭唔同嘅地方，噉就講下當地嘅地方語言噉樣啦。噉本來都唔諗住喺柏林拍㗎喇，噉但係呢，之後我哋傾偈又傾開，噉就講到原來……啊，陣間先仔細講啦，係喇。阿Bonnie已經變成咗一個柏林人嘞。噉我哋就講到呢啲有關於柏林方言嘅嘢啦。噉如果大家未睇過嗰條片呢，噉就可以我哋拎返畀大家去睇嘞。賣完廣告喇。係啦，你啱啱開始之前呢，同我哋講話今日係咩特別嘅日子話？
Bonnie：噉呢，今日我睇返Facebook嘅呢個on this day啦。噉就發現呢，原來今日呢，十一年前嘅今日呢，係搭飛機嚟德國嘅一日啦。噉樣就十一年啦，噉就已經咁耐囉，其實都。噉真係時間係過得好快，即係讀書啊、做嘢啊、到而家，跟住即係兩年前做咗德國人？噉已經咁耐喇。噉就都係真係一個非常之……即係今日係一個anniversary囉。
以：好嘢！
眾：好嘢！
以：乾杯！
Bonnie：我哋係乾杯！
靳：乾杯！
以：食飯嘅時候呢，你想講你今朝你喺柏林飛過嚟啦。你講咗「香港」。係啊。所以我就喺度analyse緊，你個腦係諗緊咩呢？係咪……係咪你個腦諗緊「屋企」呢個concept。
苗：Freudian。
以：之後你就將佢翻譯咗做「香港」。但係其實你係想講柏林。所以……
苗：可以analyse。
以：好神奇啊，呢個。
Bonnie：哦，係啊，兩個都係我嘅屋企嚟嘅，係啊。
靳：即英文係home，德文係Berlin，廣東話係香港。
Bonnie：我諗可能都係嘅，真係唔出奇啊。係啦，噉就十一年。但係……係啦。
以：好感慨呀？
Bonnie：有少少感慨啦。即係其實一路呢，都會覺得呢，雖然呢，喺柏林咁多年啦，即係其實我會覺得喺柏林呢，會似係自己屋企多啲嘅，即係如果你話比起……有啲地區，可能話……我喺香港呢，係喺港島嗰頭大嘅。柏林有啲地方啦，噉講，對於我嚟講呢，親切度呢，係會比起可能話let’s say喺……喺新界啊，或者九龍嘅一啲地方呢，嗰個親切感係會強啲嘅。但係與此同時，我頭先食飯嘅時候呢，都有同以色列都有講啦，話：其實呢，我到而家呢，都係有一種impostor syndrome嘅。即係……我唔知道中文點譯啊，呢個。即係……
以：我都唔知喎。
Bonnie：係啊，即係impostor syndrome，即係喺度……我成日都覺得呢，雖然我係一個德國人啦，on the paper啦，我成日都會叫自己做一個technically German嘅。但係呢，都只係technically囉，因為係on the paper，我係覺得……
以：即係你有本護照。
Bonnie：係喇，我有本護照嘅。即係我頭先出入境，係非常之方便啦。但係我總係都唔會覺得自己真係一個德國人囉，好似假……係啊，冒牌貨囉，係啊，冒牌貨。Imposter syndrome係……
以：可能係囉，唔知喎。阿三苗揾唔揾到啊？
靳：冒名頂替症候羣。
苗：係啊，我……我睇完就……之後就唔想用，所以就。
靳：係，應該唔明白。呢個……呢個唔係幾好用啊，我覺得。
Bonnie：係啊。但係我覺得英文嗰個會貼啲嘅，即係大家都用英文嗰個……即係環……語境會講嘅個字噉樣。
以：係啊。即係我最熟悉呢個詞語，就係我去牛津嘅時候囉。因為個……嗰個地方係……嗰個環境係全世界都有imposter syndrome嘅，因為大家真係喺度impost緊。係啦，個個喺度扮自己識好多嘢。
苗：噉即係大家都係屬於嗰個地方。如果個個都覺得自己係imposter syndrome，即係冇人係imposter囉。
靳：又係喎。
Bonnie：嗱，我又會覺得呢樣嘢如果係擺喺身份認同價值上面，又唔係㗎喎。如果我係一個白人樣啦，我諗我應該冇咁……有呢一種imposter syndrome囉。
苗：呢個係純粹發自你內心，定係你覺得呢個都同人哋點樣對你有關係呢？
Bonnie：其實都同自己喺柏林咁耐嘅經歷有關係囉。即係好似話佢哋會因為你個樣，跟住可能話佢哋會揀用乜嘢語言去……第一樣去approach你嘅語言呢，係講英文先吖，定係德文先？當然啦，而家呢，通常有時候因為我嘅衣着呢，都比較柏林啦，即係簡單啲嚟講就係黑色啦，黑色啦，成身都好似乜水噉樣。
以：係吖，嗱，而家你着緊黑色喇，冇錯。
Bonnie：我係成身都係黑色嘅，即係我而家成身都係黑色啦。
靳：就着緊黑色嘞。
苗：原來黑色就係柏林。
以：呢個唔係哥本哈根衣着嚟㗎咩？
Bonnie：喺一啲冇陽光嘅地方，大家都係噉樣着衫，係全部係黑色噉樣啦。
以：吸多啲陽光啊？
Bonnie：係，熱啲熱啲熱啲噉樣。噉可能話因為我嘅衣着個style，可能話有機會會判斷到：啊，呢個可能係柏林嚟……喺……或者識講德文嘅人啦。但係你可能話望到我個樣，有時候可能佢哋……即係如果嗰個德國人係喺啲村度嚟嘅，噉佢哋就可能冇呢一個認知，就話：哦，其實喺你前面呢個人，佢雖然係睇落唔似一個……即係like白人噉樣啦，但係其實嗰個人可以係一個德國人，或者係可以係話……有個例子嘅，就係呢，可能話我同以色列有個學廣東話嘅學生去食飯啦。噉佢……噉佢哋就係因為呢個學生呢，就係我嘅朋友嘅partner嚟嘅，噉佢成班人去食飯。噉變咗呢，但係呢，就係成班人入面有三個亞洲女仔啦，一個白人啦，噉但係呢個白人呢，係唔識講德文嘅。噉其餘嗰三個呢，就係識講德文嘅，即係to some extent啦，每一個人都係。
苗：好似嗰條片噉。
靳：我都係諗緊嗰條片。
以：我哋link嗰條片。
苗：之前有條片，就係一個……一段……即係搞笑嗰啲sketch嚟嘅。就係有好多個白人，再加一個亞洲女人，一齊去餐廳……日本餐廳噉樣。跟住嗰個侍應就不斷同嗰個亞洲嗰個……嗰個人講嘢，但係佢係唔識日文。但係枱上面全部嘅白人，都係識日文噉。
以：同埋有黑人，係喇。
苗：同埋黑人都有，係啊。
以：成堆都係日本大嘅所謂嘅（日）外人。
苗：係喇，係喇。即係類似啲噉嘅嘢。
Bonnie：係，我有……我有睇過嗰條片囉。係啊，即係啲人都係會……即係啲侍應都係會同嗰個以色列嘅學生去講嘢啦。或者係覺得……硬係覺得佢係會講德文嗰個啦。或者係硬係覺得佢……可能話斟酒噉樣講，話試酒噉樣，都係會斟畀佢先嘅。但係其實可能話係佢隔籬……即係佢partner啦，which is，先至係識紅酒，或者識飲酒嗰個，即係攞……所謂嘅攞咗牌嗰個？噉就變咗就係話，有好多呢啲情況，就係會令到你質疑：啊，到底其實我係咪扮嘅呢？即係我係咪只係……我永遠都唔會畀人哋recognise我as一個德國人嘅呢？即係當然我覺得冇嘢嘅，唔影響我生存嘅。但係只係有時候會有一啲噉樣嘅反思，就係話：我已經喺度十一年啦。噉而我覺得呢一種impostor syndrome呢，係應該會伴隨我都一個再長啲嘅時間囉，去到……我唔知道，即係比較vorübergehend地長。係啊，應該就會比較耐啲喇，呢樣嘢會，係啊。因為我都唔知點解決嘅。
[08:42]
以：佢係會code-mix廣東話、英文、同德文。
靳：同德文。
以：所以……
Bonnie：係囉，我真係會噉樣code-mix。我唔知道你識唔識聽德文嘅，但係我有時候我會喺啲識聽德文嘅人隔籬，就會……
以：即係我囉。
Bonnie：係啦，即係你啦，會……會噉樣mix囉。係啊，會噉樣code switch。
以：Vorübergehend，即係暫時啦，係啊。過渡性。
Bonnie：過渡性，係啊，係啊。我覺得……
以：永久過渡。
Bonnie：係啊，我覺得呢個呢，都係一啲字嘅得意之處，就係可能話喺德文嘅世界入面有啲字，就係vorübergehend，係有一種係……如果英文譯呢，就會譯做permanent啦，但係英文嗰種permanent，係有更加嗰種永久嘅感覺。但係vorübergehend呢，係有一種過渡、暫時我哋keep住都會噉樣，但係冇一種……
苗：Indefinitely。
Bonnie：Indefinitely嗰種……
靳：但係唔知幾時完嘅感覺囉。
苗：類似。
Bonnie：但係唔知幾時完嘅，噉樣，係啊。即係我覺得呢一個都係一啲……一啲fine嘅difference between啲字囉。係啊。我會比較鍾意用vorübergehend嘅，好多時。因為我唔鍾意咬……即係講到啲嘢咁實嘅。即係可能有一日，突然間我會覺得：嘩，我係一個完全嘅德國人，噉都唔出奇嘅。
以：但係vorübergehend係暫時吖嘛 ，唔係咩？唔係permanent。
Bonnie：係啊，但係如果……但係呢，呢個vorübergehend呢，可能話喺一啲鋪頭呢，你知道佢摺咗㗎喇。佢都係會寫做vorübergehend geschlossen嘅。

The rest of the transcript is available to Patreon members.