最適合學粵語嘅時間，就係而家。我個blog開咗咁耐以嚟，一直有一個角落，專係寫粵語最新嘅發展，或者特別之處。如果你學緊粵語而睇得明呢段，恭喜你！好歡迎你搵我練習對話、讀寫等等，我可以繼續向你介紹最地道、最新嘅表達方法。凡係我熟嘅語言，都可以用嚟做上堂嘅語言。

對於粵語母語者，我亦有幫教學材料拼寫、校對粵拼嘅經驗，可以提供粵拼讀寫嘅課程，等你唔單只睇得明粵典裡面呢一套可靠嘅系統，更能夠喺書寫上用有音無字嘅詞句表達自己，甚至加入支持、推廣、壯大我哋最親切嘅廣東話嘅行列。

我喺大學副修德文，期間喺香港大學生德語演講比賽贏咗獎。後來海外交流時，有攻讀德文文學，同埋用德文上唔同嘅堂。德文文法、結構看似複雜，但係我可以從學習者嘅角度，為你解畫。初學者、中階都歡迎！

有冇諗過點解瑞典人講嘢好似唱歌？或者宜家家俬啲奇怪名到底係咩意思？瑞典又啱旅行又啱住，學咗一隻語言仲可以同鄰近國家溝通添。我喺瑞典住咗一年，仲喺三個月之內考咗高級嘅瑞典文試。換言之，我真係好識搵窿路、搵捷徑嚟極速掌握呢種語言，融入喺當地人之間。初學者、中階都歡迎！