電影《波斯密語》（Persian Lessons / Persischstunden）正如原著嘅書名噉，講述一個虛構語言嘅誕生。原來歷來唔少嘅電影、小說，都有特登請人設計人工語言。
亦都有語言係為現實生活而設計，畀某啲羣體，甚至全世界作為共通語言。
其實點先為之人工語言？我哋本身嘅語言又有冇人工成份？一齊嚟傾下啦！
喺YouTube收聽
成爲 Patreon 會員除咗有足本逐字稿，仲有以下額外嘅獨家內容添！
台語係唔係台灣人嘅語言？台語點解可以叫做「台」語？台語又係唔係閩南語？今時今日又有幾多人識講？
今次邀請到對台語、台灣文化興趣濃厚嘅良淩，一齊探討下現今台灣人對本土語言嘅觀感，同埋台語同華語（國語）嘅關係係點樣。
香港粵語面對打壓加劇，會唔會步台灣本土語言嘅後塵，變成少數語言？廣東話人想學台語，又會有幾難呢？
講台語，當著時，咱這擺做伙來絮言．狂想！記得喺唔同平台訂閱、留個正評啦！同埋都喺留言裏面同大家分享下你嘅睇法吖！
嘉賓：
良淩
喺YouTube收聽
成爲 Patreon 會員除咗有足本逐字稿，仲有以下額外嘅獨家內容添！
究竟發生咩事？？？
點解上一集《絮言．狂想》完全聽唔明嘅？？
原來係用咗前十一集半嘅逐字稿，由電腦透過n-gram語言模型生成出嚟嘅模擬節目。今集就請三苗嚟解釋下呢個過程，同埋機械學習喺各種語言應用嘅貢獻、限制。
未聽嘅話，快啲去聽返上次嘅愚人節特備節目先！
記得喺唔同平台訂閱、留個正評啦！如果你對呢啲議題有自己嘅見解，都好歡迎你留言反映！
成爲 Patreon 會員除咗有足本逐字稿，仲有以下額外嘅獨家內容添！
語言、文化相關嘅點滴。點解ielts往往令人把幾火？搬去一個國家住，未必好容易就學到佢嘅語言同以色列嘅老本行——音樂嘅關係，靳尼同三苗就分享下譯國歌又同譯其他歌有咩唔同？
乜原來一班聾人係點知道應該點分類？日文原來一班聾人小朋友一齊返學玩就可以［已屏蔽］之外，原來有十幾隻近親語言愛好者練習……亦即係絮言狂想〉，我哋四丁友一齊估，然後再聽下兩位主持一一拆解……譚仔話？
今次仲會回應第一集裡面嘅詞，都係同一個月可以同時存在幾多個平行語言愛好者練習……然後無限延伸、偏離主題……亦即係絮言．狂想啦！
（呢個節目喺YouTube都有，快啲去訂閱！）
Continue reading
搬去一個國家住，未必好容易就學到佢嘅語言！點樣先至有效噉建立學外語嘅環境？淨係靠講，三個月可以習成一種語言？ 台灣「鮭魚之亂」，背後反映咗乜嘢不平等嘅語言政策？
今次，我哋三位主持一齊同你分享下自己學習成功、失敗嘅經驗。
記得喺唔同平台訂閱、留個正評啦！如果你對呢啲議題有自己嘅見解，都好歡迎你留言反映！
00:34 回應上集留言
08:26 鮭魚之亂對台灣原住民語言嘅啟示
15:48 移民學語言，真係得？
42:39 Benny Lewis嘅「狂講」學習法
52:00 課堂學習本身係咪有問題？
成爲 Patreon 會員除咗有足本逐字稿，仲可以聽到以下額外嘅獨家內容添！
為咗寫廣東話，你可以去到幾盡？英國移民局設立粵語查詢熱線，到底係咪真係學咗廣東話嘅西人？想移民嘅香港人不久嘅將來就要考英文試，噉點解IELTS往往令人把幾火？
自從農曆新年錄咗上一集之後，香港及鄰近地區都出現唔少同語言有關嘅新聞，一於聽下三位主持一一拆解……然後無限延伸、偏離主題……亦即係絮言．狂想啦！
喺YouTube收聽
記得喺唔同平台訂閱、留個正評啦！同埋都喺留言裏面同大家分享下你嘅經歷同睇法吖！
00:00 《狂舞派3》用全粵文字幕，點解？
16:23 英國簽證與移民局（UKVI）成立畀香港人嘅查詢熱線，點樣？
24:38 政協話學英文嘥時間，啱唔啱？
30:41 講起IELTS就把幾火；語言考試仲有咩用？
53:28 向老鼠（Moses McCormick）致敬
成爲 Patreon 會員除咗有足本逐字稿，仲可以聽到以下額外嘅獨家內容添！
年！又過年！
牛年第一集，榮幸邀請咗我哋嘅好朋友暨（cum）語言迷YouTuber靳禮赫上嚟，講下對發音、歌詞同芬蘭文名詞嘅興趣，諗下疫情下新一年有咩語言目標，同吹下雜不?嘅水。究竟學語言係點火頭、救火定係找數？最近爆紅嘅Clubhouse除咗可以［已屏蔽］之外，原來仲可以畀語言愛好者練習……譚仔話？今次我哋四丁友一齊嚟絮言狂想啦！
嘉賓：靳禮赫 Heinrich Tsanov Facebook YouTube
成爲 Patreon 會員除咗可以支持本節目運作，仲有完整嘅逐字稿添！
Continue reading
香港有英文版Baby Kingdom？噉幾時有尼泊爾文全民造星？一個香港，可以同時存在幾多個平行語言時空？香港人嘅語言態度，係咪延續緊呢幢拆唔散嘅巴別塔？今次我哋嚟傾下唔同族群嘅香港人同語言嘅關係。
我哋三個都唔熟悉、更加唔能夠親身體驗少數族裔香港人嘅經歷，所以如果有咩我哋講得不足嘅地方，都好歡迎大家留言或來信補充！
成爲 Patreon 會員除咗有逐字稿，仲可以聽到以下額外嘅獨家內容添！
Continue reading
乜原來 John、Ian、Ivan、Hans、Juan、Giovanni、 Owen 都係同一個名！？語言有相似，但係語言學家係點知道應該點分類？日文原來有十幾隻近親語言？今集帶大家探討下語系係點樣形成同埋同借詞嘅關係。
成爲 Patreon 會員除咗有逐字稿，仲可以聽到以下額外嘅獨家內容添！
Continue reading
點解粵語歌咁難填？譯國歌又同譯其他歌有咩唔同？乜原來音樂都可以做咁多學術研究？今次我哋探討下語言同以色列嘅老本行——音樂嘅關係，靳尼同三苗就分享下譯國歌嘅體驗，同埋點樣搵好聽嘅外語歌返嚟。我哋今次仲會回應第一次嘅聽眾來信?！
Continue reading