上次講過下變格法（cases）係點樣嘅概念，同埋可以點樣去理解。然之後嘅問題就係：我而家學緊德文嘞，可以點樣記住呢啲嘢？？點樣喺考試對話裡面用得上、用得啱？？？

阿媽係女人嘅答案，就係練習同複習。噉但係到底有咩方法，令複習更加有效率，而且記得啲規則之餘，仲可以流利噉活用呢？

我從經驗講，有幾點如果長期做到嘅話，係的確可以達到呢啲目的。

1. 形象化，去迫自己將語法變成語感。

要記得，母語使用者唔讀係唔會識我哋學緊嘅嗰啲規則㗎。佢哋有嘅係語感，即係幾時用呢樣係啱，幾時用嗰樣係「怪怪地」。

換言之，一個德國人，理論上係會對die Nacht（主格）同der Nacht（與格），有少少唔同嘅抽象感覺。

呢個，就係我哋嘅最終目標。

Continue reading