(en sub/粵字)

點解我會同全世界最出名嘅polyglot之一，傾移民英國？

歐洲可唔可能有自己嘅共通語？

點解學英國本土語言咁緊要？

各國語言迷，鍾意唱咩語言嘅卡啦OK？

Polyglot Gathering第二日，除咗聽talk，仲有乜嘢玩？

大家繼續留意呢個頻道，睇下我同新朋友會有咩多語言嘅偈傾啦！

我同大名鼎鼎嘅Richard Simcott傾偈。

哈囉 – 哈囉，你好嗎？

好好，多謝。

你以為我會同佢傾好多語言嘢，原來唔係，係傾好多關於移民英國嘅嘢。點解我會同咗世界上最出名嘅polyglot之一傾移民英國呢？等我哋返返去朝頭早先。

今日係第二日！因為攞唔到剃鬚刀上機嘅關係，之後呢度附近係完全乜都買唔到，所以嚟緊呢幾日弊喇。唔知去到呢個event最後會變成咩樣？

上一集畀大家睇過關於整字典嘅talk，點知今日即刻付諸實行！

喂喂喂，收唔收到？我爭啲唔記得咗我有呢支咪。佢第一日出發之後，就開始有啲奇怪嘅嘢，有時又會啲聲窒下窒下，而家又開始……佢會喺度㩒我個相機個錄影掣，所以如果我開個相機出嚟，佢會同我影咗一百、二百張相。或者我拍片嘅時候，可能佢會無啦啦停咗我，再開始過。所以，well，睇下……講住先，有咩事，我就唔用佢。

今日嘅talk我就唔多講，如果有啲咩有趣嘢嘅話，我就去片！

不如我轉台去德文……

除咗聽之外，仲有機會畀我哋辯論語言嘅社會議題！

我質疑呢個係唔係可以達到嘅目標，所以如果我話好，噉個泛歐洲語言需要變得中立啲……

只可以有一個國際語言，如果最後有三種，譬如你係芬蘭人，既唔係日耳曼語，亦唔係羅曼、斯拉夫語，你就要學好多語言。你都應該學英文，以便喺歐洲以外溝通，所以英文你係唔係都要學。

我可以講你……件語言？你種 – 你種語言，唔該。我好緊張，但係我都想嘗試（講法文）！你掂㗎！

我而家同Richard Simcott喺Polyglot Gathering（我好緊張，但係我都……）。你覺得今年嘅Polyglot Gathering點？

好正，我同呢班人一齊，覺得好開心，因為我有機會用啲語言，我好鍾意就噉同呢啲人傾偈。

你多唔多用威爾斯文？

我而家唔會用到威爾斯文。喺Gathering就少少啦。但係我住喺（北馬其頓）史高比耶，我喺史高比耶完全用唔到威爾斯文，淨係喺網上用到。

學威爾斯文對你嚟講重唔重要？

學威爾斯文？我本身嚟自威爾斯，加拿分。我想講祖先嘅語言，因為我家族嚟自嗰度，我覺得識自己家族嘅語言好重要。

好多謝你！

今日最深刻嘅，就係我同大名鼎鼎嘅Richard Simcott傾偈。傾咗好耐，你以為我會同佢傾好多語言嘢，原來唔係，係傾好多關於移民英國嘅嘢。原來以前佢係做一啲相關嘅嘢嘅，所以佢對於英國移民嘅法律好熟。

繼噚日分享食物之後，今日嘅展覽就畀大家發掘下各位語言迷，做緊啲咩語言嘢？啲節目係咪好精彩？係嘅話就記住訂閱，嚟緊睇埋仲有啲咩玩，同埋同邊個傾偈！

乜春？我點知？（中文字有幾多個？）二萬、五萬定一千？

（客家話主要喺邊個國家講？）我叉咗手機，終於派上用場！

（斐濟語多數點樣打招呼？）大家都亂咁㩒，直情係抽獎……噢。