podcast – Rhapsody in Lingo

絮言．狂想#004：粵語唔純種，借詞最輕鬆？

廣東話到底係一隻幾純種嘅語言？我哋大家都知道有的士、巴士等嚟自英文嘅借詞，但係你又知唔知，有幾多粵語、甚至係中文裡面嘅詞，都係由外語譯返嚟㗎呢？

今集就講下從音到義、從古到今、從本土到世界，各種你可能唔知嘅借詞、借譯等等現象，仲有語言之間更深層次嘅影響。

（呢個節目喺YouTube都有，快啲去訂閱！）

每當聽到人講外語時，有冇諗過，到底佢哋講咩話？

今集，我哋就以The Great Language Game嘅模式，一齊嚟玩個估語言嘅遊戲。不如你都嚟一齊估，然後再聽下兩位主持講解下，究竟係點樣從每隻語言嘅聲音，嚟到去估呢？

（呢個節目喺YouTube都有，快啲去訂閱！）

究竟聾人係點樣溝通？用手又點樣講嘢？原來一班聾人小朋友一齊返學玩就可以無中生有，整套新嘅手語出嚟？手語入面原來雕刻咗對外國嘅刻板印象？

適逢Netflix啱啱出咗聾人學校真人騷 Deaf U，第二集嘅〈絮言．狂想〉，我哋三個健聽嘅主持，用聲音講下無聲嘅語言世界。

（呢個節目喺YouTube都有，快啲去訂閱！）

語言係人人都會使用嘅嘢嚟，但係正正因為佢係大家覺得理所當然嘅一件事，所以好多人會產生一啲對語言嘅誤解。

為咗為呢個podcast打響頭炮，第一集裡面我哋一次過討論嗮七個香港人最常見嘅語言迷思。

（呢個節目喺YouTube都有，快啲去訂閱！）

如果你有睇我條多語言片，可能會記得，我籌辦咗一個podcast。

個idea係喺我七月尾闊別香港嘅飛機上諗出嚟嘅，經過兩個月嘅計劃、構想、測試，而家終於可以好自豪噉講，第一集已經錄好，準備出爐喇！

由最初嘅構思，去到搵咗兩位朋友一齊主持，傾咗咁耐，叫做有個方向，知道我哋想做一個點樣樣嘅節目畀大家。每集將會圍繞一個同語言有關嘅主題去討論，又或者抽少少時間介紹某隻語言。

而最核心嘅問題就係，點解我哋要搞podcast呢？

唔怕同你講，我由頭到尾係諗住一雞兩味。

我喺2015、6年左右發現咗網上所謂嘅polyglot community（多語言者嘅群體），所謂多語言者引伸為語言迷，即係世界各地對學外語有興趣嘅人所組成嘅，只要對語言抱有熱忱，即使係初哥，佢哋亦都好歡迎。