為咗寫廣東話，你可以去到幾盡？英國移民局設立粵語查詢熱線，到底係咪真係學咗廣東話嘅西人？想移民嘅香港人不久嘅將來就要考英文試，噉點解IELTS往往令人把幾火？
自從農曆新年錄咗上一集之後，香港及鄰近地區都出現唔少同語言有關嘅新聞，一於聽下三位主持一一拆解……然後無限延伸、偏離主題……亦即係絮言．狂想啦！
喺YouTube收聽
記得喺唔同平台訂閱、留個正評啦！同埋都喺留言裏面同大家分享下你嘅經歷同睇法吖！
00:00 《狂舞派3》用全粵文字幕，點解？
16:23 英國簽證與移民局（UKVI）成立畀香港人嘅查詢熱線，點樣？
24:38 政協話學英文嘥時間，啱唔啱？
30:41 講起IELTS就把幾火；語言考試仲有咩用？
53:28 向老鼠（Moses McCormick）致敬
成爲 Patreon 會員除咗有足本逐字稿，仲可以聽到以下額外嘅獨家內容添！
打廣東話真係好難。
唔似得上面有漢拼、台灣有注音，粵語有萬七咁多種輸入法，種種都有好大嘅弊處。
倉頡就難學，速成就揀字揀到傻，粵拼就香港人冇用開（雖然我強烈建議各位讀者用一粒鐘學咗佢），漢語拼音就……唔使講啦。
唔少人都要喺手機手寫先寫到粵字，又或者會打咗啲「o係」「o羅」噉嘅奇怪字出嚟。
你問我嘅話，對於廣東話嘅母語者，就算唔集體轉過去，都好應該試一試粵語反切輸入法。佢淨係需要記26個鍵，唔使學拆字、唔使學拼音，揀字就淨係需要喺同音字之間揀，最緊要嘅係兩個掣就打完一個字，又快又準又易學。
我覺得簡直係粵文輸入嘅未來。
不過首先，都要同大家講解下咩叫粵切先。
Continue reading
年！又過年！
牛年第一集，榮幸邀請咗我哋嘅好朋友暨（cum）語言迷YouTuber靳禮赫上嚟，講下對發音、歌詞同芬蘭文名詞嘅興趣，諗下疫情下新一年有咩語言目標，同吹下雜不?嘅水。究竟學語言係點火頭、救火定係找數？最近爆紅嘅Clubhouse除咗可以［已屏蔽］之外，原來仲可以畀語言愛好者練習……譚仔話？今次我哋四丁友一齊嚟絮言狂想啦！
嘉賓：靳禮赫 Heinrich Tsanov Facebook YouTube
成爲 Patreon 會員除咗可以支持本節目運作，仲有完整嘅逐字稿添！
Continue reading
香港有英文版Baby Kingdom？噉幾時有尼泊爾文全民造星？一個香港，可以同時存在幾多個平行語言時空？香港人嘅語言態度，係咪延續緊呢幢拆唔散嘅巴別塔？今次我哋嚟傾下唔同族群嘅香港人同語言嘅關係。
我哋三個都唔熟悉、更加唔能夠親身體驗少數族裔香港人嘅經歷，所以如果有咩我哋講得不足嘅地方，都好歡迎大家留言或來信補充！
成爲 Patreon 會員除咗有逐字稿，仲可以聽到以下額外嘅獨家內容添！
Continue reading
今日係2021年二月一號。
弊。好似仲係未接受到2021已經開始呢個事實添。
但係我今決定咗定一啲語言學習嘅目標。仲可以同大家分享下我做緊嘅嘢添！
個個都許新年願望，我偏偏就遲咗一個月。點解呢？
一嚟，而家許已經馬後炮。我上個月諗緊第啲嘢……
二嚟，好多人喺一月一號，都會誇下海口，訂立啲好有大志嘅目標。因為新年許嘅係願望，所以多數人都係諗啲長遠嘅嘢，例如學一隻新語言．或者建立新習慣。
如果一個月後冇可觀嘅進度，好容易會氣餒。
所以我就等咗一等。我想睇定啲，feel下2021年諗住點樣整蠱我先，又或者乜都試一試，然之後先根據呢啲經驗，訂立一啲可行嘅目標。
雖則語言界嘅我，慢慢變成緊一個網上嘅創作者，但係我首先係一個語言迷。所以我哋由語言目標開始啦！
Continue reading
乜原來 John、Ian、Ivan、Hans、Juan、Giovanni、 Owen 都係同一個名！？語言有相似，但係語言學家係點知道應該點分類？日文原來有十幾隻近親語言？今集帶大家探討下語系係點樣形成同埋同借詞嘅關係。
成爲 Patreon 會員除咗有逐字稿，仲可以聽到以下額外嘅獨家內容添！
Continue reading
點解粵語歌咁難填？譯國歌又同譯其他歌有咩唔同？乜原來音樂都可以做咁多學術研究？今次我哋探討下語言同以色列嘅老本行——音樂嘅關係，靳尼同三苗就分享下譯國歌嘅體驗，同埋點樣搵好聽嘅外語歌返嚟。我哋今次仲會回應第一次嘅聽眾來信?！
Continue reading
為咗支持〈絮言．狂想〉可以持續噉做落去，我哋好需要你嘅貢獻，去填補製作節目嘅開支，同埋鼓勵我哋為大家帶嚟高質素嘅節目同埋文字稿！各等級嘅着數可以喺Patreon頁面上面睇到。
而家加入嘅話，頭五集嘅transcript都免費睇到晒㗎！
呢一集嘅足本Transcript 文字版
P.S. 下一集已經錄好，等緊出爐！
（呢個節目喺YouTube都有，快啲去訂閱！）