靳尼跟你講「近嚟」 – 絮言.狂想2022聖誕直播!

聖誕快樂,今次直播好熱鬧!我哋帶咗啲十二月嘅語言新聞嚟討論,每單都帶出咗啲好有意義嘅主題,包括各種口音嘅問題、官方語言等等!

喺YouTube收聽

成爲 Patreon 會員除咗有得參加下次直播,有足本逐字稿,仲有得投票、參與Discord,同埋以下豐富嘅額外內容添!
-hihihihi
-規範語言標準嘅標準
-絮言學術台
-你交咗電視牌照費未?
-正音
-絮言.狂想要剪到幾短先得?
-以色列重燃對……嘅興趣?
如果想單次打賞,亦都可以請我哋飲杯咖啡

本集特別鳴謝:Klaus、Anthony、サム、阿擇

Subscribe to our newsletter!

00:00 發音同口音有關嘅討論
15:47  語言同語言之間嘅異同
18:50 學外語唔好靠英文!
29:06 Signal移除廣東話同維吾爾語介面??咩係官方語言?
40:45 阿凡達又出新嘅語言,今次仲要與眾不同!
45:38 「全世界第一」嘅手語電視台
49:55 死過翻生嘅語言!
55:40 日本話定日本文?

連結:

意見反饋 Feedback/建議題目 Suggest topics

社交媒體

靳:或者係喺呢個情況之下,就係藝術語言吖嘛,因為佢係用喺一啲藝術作品啦,我哋噉樣講啦。雖然阿凡達係咪藝術作品,就有待商榷嘅,anyway。

以:嘩,噉樣嘅?你。

苗:好mean喎。

以:唔得喎,我要……我要cancel你喎,作為一個藝術家。

[嘟]

苗:啲sit-com現場拍噉樣。係啊。唔係啊,但係個分別係我哋真係好笑嘅。

靳:嘩,今日有……

以:又mean嘅?

靳:好mean啊,搞唔掂。

[jingle]

以:歡迎返到嚟《絮言.狂想》第三次直播啊!聖誕快樂啊!大家。

苗:聖誕快樂!

靳:聖誕快樂!

以:聖誕快樂!噉唔知大家佳節過得點呢?噉我係以色列啊!

苗:我係三苗!

靳:我係靳尼啊!

以:噉我哋就會係今次聖誕直播嘅主持嘞!帶大家一齊慶祝返少少先!

苗:好熱鬧啊!今次。今次係……其實都有嘅,之前直播都……都算OK多人啦。係我哋一路以嚟嘅傳統啊。都係咁少人嘅,其實。

以:都係一對一。

苗:有三位聽眾,暫時。

以:三個主持,三個聽眾。睇下有冇人會再join我哋啦。

苗:好似上次搞過呢個gag喎。每一個主持可以分到畀一個聽眾。

靳:因為就同上次好似係一樣噉樣。

苗:係咪啊?

以:我哋可以一對一傾偈,談心。

苗:咩「個人指導」呀?

靳:有啲咩可以指導?

以:指導啲乜嘢?

苗:你嗰個……我哋個Patreon呢,有個好高tier嘅著數,就係個人指導,以色列個人指導吖嘛。

以:係啊,係啊。呢個係好似so far都未有人join。

苗:其實係咩指導嚟㗎?

靳:可以指導啲咩啊?其實。

以:哦,嗰個係……唔係,係因為我有offer教語言或者教人學語言噉樣嘅服務㗎嘛。噉如果有人join咗嗰個等級嘅話,噉其實就每一集出嘅時候呢,噉就會等於有一個劵噉樣,畀佢去兌換一個個人指導嘅堂囉。係喇。

苗:正。

靳:我可唔可以問你學呢個廣東話噉樣?即係……

以:你可以啊,我教你分二五聲吖。

靳:我唔識啊,你可唔可以教我啊?

苗:點樣教㗎?

以:我唔知。洗佢腦。

靳:阿Vamp話「我嘅心就喺度諗緊Merry Christmas喺各個語言點樣講」。

以:吖啊,我哋係咪太過單語言啊?點算啊?メリークリスマス!

苗:嘩,呢個出cheat㗎喎。

靳:噉Meli kelikimaka。

以:Meli kalikimaka。

苗:大家個腦都係一樣㗎,諗到啲嘢。

以:正常吖。

苗:呢個……Mele kalikimaka就係好似之前講過啊,係咪啊?我哋有。

以:Me……啊,Mele喎!

靳:係,唔好意思,係Mele。

苗:係Mele,係。噉呢個係夏威夷文嘅Merry Christmas。噉佢因為夏威夷文嗰個音節結構就非常簡單啦,噉連K同S都好似冇分嘅。K、T、S係同一樣嘢嚟㗎嘛,都係K吖嘛。噉所以佢係全部都變晒做K囉。Mele……Kalikimaka就係Christmas囉。

以:Mele Kalikimaka。

苗:Mele,係啊。

以:噉因為係外來嚟嘅嘢嚟㗎啦,都算係。所以就直情用英文嗰個字,之後就變咗做佢原本嗰個音系啦。噉就好似啱啱講日文嗰個メリークリスマス ,噉同樣道理啦,不過夏威夷問就再誇張啲啦。

苗:阿サム話你啲聲調讀得唔啱啊。

靳:阿サム話你……你唔啱個pitch accent。

以:哎啊,點算啊?哎啊!一嚟就畀人片嘞。

靳:唔緊要啦,阿……阿Ric都話我有二五merge。

苗:你要畀佢個人指導啊。

靳:我哋啲聲調都唔啱嘅。

以:快啲指導下。嗱,利……利申我冇claim我識日文嘅。

苗:係咪啊?你咩都claim唔識㗎啦!你有咩係識㗎?

以:唔係啊,我claim自己幾……幾……幾公道㗎。我識廣東話囉。

靳:即係……即係平時係問……唔係問「你有咩語言識」,係問「你有啲咩語言唔識」噉樣㗎嘛。

以:有啲咩語言唔識……噉你有啲咩語言唔識啊?靳尼。

靳:我……我……我唔識……我唔識廣東話。

苗:好喇,我哋派膠完畢。

以:講大話。我啱啱先睇完一個威爾斯嘅兒童節目呢……我係睇啲噉嘅嘢㗎。噉佢就喺度教小朋友唔好講大話啦。噉有個角色,就係所有嘢都係要講相反嘅,所以話「今日就唔係聖誕節喇」噉樣。。

苗:咁搞笑嘅?

以:對唔住,我係睇兒童節目嘅。

苗:唔係,其實我覺得OK喎。兒童節目係好好嘅學語言嘅source嚟。

以:同埋學到好多人生道理囉。就係唔好講大話囉,係嘞。好,大家喺度討論緊靳尼嗰個二五merge啦。

苗:係,如果大家係新嚟嘅話……

以:阿靳尼想唔想解釋下?

靳:係囉,阿Ric話我其實……佢其實聽唔到我個二五merge。因為阿Ric呢,喺真實世界見過我嘅。即係我問過有好多個朋友呢,其實佢哋都係唔係好覺我有二五merge呢個問題啦,但係我自己係分唔到二五囉。即係我可能我有時係講到二五……

苗:你個二五仔。

以:二五仔。即係譬如邊啲字啊?

靳:我唔知啊,我唔知邊個字係二,邊個字係五。

苗:有啲咩字啊?

以:我諗唔到有咩字。

苗:譬如「絮言狂想」就有個五啦。

以:係囉,水言……絮言。

苗:「想」又有個二啦。即係我哋有齊晒喎。

靳:絮言狂想。

以:水言狂想。據聞呢,阿靳尼其實佢係講到二五嘅分別嘅,但係佢自己個腦裏面分唔到囉。即係佢聽嘅時候,或者佢講嘅時候,佢聽唔出有分別囉。

苗:哦。呢個都幾得意喎。

以:係啊。就係聽唔到但係發到。

苗:我見有啲……有啲研究呢,都係會去問譬如唔同種類嘅merger,例如最出名嗰個英文嘅cot-caught merger囉,COT個cot同CAUGHT嗰個。

以:cot cot。

靳:caught caught merger?

苗:係喇。噉見到靳尼嗰個就merge咗嘅,啱啱講嗰兩下。噉佢有問啲人分唔分到。噉佢有兩種分唔分到,佢有講出嚟識唔識分同埋聽落去識唔識分囉。噉佢呢兩樣嘢,就可以畫到個四格出嚟喇,就可以聽落去分唔到、講出嚟亦都唔分,兩樣都分到,或者一樣分唔到囉。所以有啲人係可以聽得出,但係唔會講。最奇怪就係靳尼嗰種囉,即係佢自己分唔到,但係唔知點解會講到出嚟。嗰個就最特別嘅。

以:好似講緊啲病症噉樣。唔同病徵。

苗:其實都有少少似係嗰種對於自己個語言唔係好有一啲即係系統性嘅知識嗰一種感覺噉啊。即係你講唔出廣東話有幾多個聲調,但係佢識講㗎嘛。

以:咦?阿Ric就話佢係聽唔到thin同fin,但係講到。喂,其實我都差唔多。我覺得好專心聽會分到嘅,但係我聽落,我覺得th同埋f,即係TH同埋F,我覺得係好似㗎。

苗:都係。

以:所以我可能有啲似阿Ric嘅情況。

苗:阿Vamp話係其實周圍啲人唔識講,即係同阿Ric講嘢嗰啲人,所以佢以為自己聽唔明。

靳:嗰啲人唔識分。

以:你而家聽唔聽到thin同fin?

苗:They are the same picture.

靳:Thin同fin。

以:就算我錄咗自己,我聽返都覺得差唔多囉。

苗:係真係好似嘅。

以:之後lieben同leben我就分到嘅。Lieben同leben。

苗、靳:Lieben leben。

以:但係英文人就分唔到lieben同leben啦。多數英文人leben就變咗做/leɪ/…/leɪbən/啦。

苗:/lajbən/? Innit?

以:Bit odd, innit? Chewsday, innit?

苗:真係Tuesday喎,今日。Chewsday, innit?

靳:It’s Chewsday.

苗:站喺……起碼喺我哋時區係仲係星期二嘅。

以:我諗我哋大家都係喺星期二嘅。

靳:我哋三個時區都係星期二。

苗:如果喺紐西蘭,就可能唔係。我哋有冇人喺紐西蘭?

以:我唔知喎。

苗:應該就冇嘅。起碼呢度……呢度呢三位應該……

以:聽緊嘅人……

苗:應該都冇嘅。

以:係……有……有邊啲時區係去到聽日喇?已經。我都唔知喎。

靳:Kiribati。

苗:係囉,而家澳洲東部係十一點幾囉,噉所以紐西蘭已經係過咗……

以:差唔多喇,差唔多喇。

苗:阿Vamp話英文人好鍾意將/e/同/o/ diphthongise。

以:變做雙元音啦。

靳:[eɪ]同[oʊ]。

苗:係,變咗做[eɪ]、[oʊ]。呢個呢,喺……我之前睇有個YouTube嘅講phonetics嘅教授啊,我唔記得咗……我成日都唔記得佢叫咩名,佢係嗰啲公廁名嚟㗎。

以:我哋諗到就擺喺show notes啦。

靳:係咪叫Geoff咩……

苗:Geoff,係啊,Geoff……係唔係Geoff啊?

以:啊,係嗰個呀?

苗:Geoff Lindsey啊。

靳:Geoff Lindsey,係。

苗:係咪啊?Geoff Lindsey。即係好似嗰啲Johnny Harris嗰啲呢,嗰啲記唔到嗰啲名。

靳:好慘啊,畀你話公廁。

苗:噉真係吖嘛。唔係,噉好勁嘅……

以:好衰囉,你。阿三苗,你而家……你已經有兩個三苗喺度啊,你話人公廁喎。

苗:係喎,呢個我唔應該講,係。噉阿Geoff Lindsey教授呢,佢就講過呢個問題啊。即係唔同英文人會將外來語有唔同嘅讀音囉。即係譬如英國同美國,你讀譬如/pæsta/、/pɑsta/,/mɛrio/同/mario/,呢幾個分別。即係嗰個æ同……定係a呢?佢係有好詳細噉樣講,美國人傾向會用西班牙文嚟做藍本。總之見到所有外來語呢,a、e、i、o、u呢五個字母呢,都會係嗰五個音囉。總之a就係/a/,跟住e就係/eɪ/……好亂啊,講到。個字母e呢,就係讀/eɪ/,之類嘅嘢啦,係啦。個字母o呢,就係都係讀/oʊ/嘅。個字母i就讀/iː/。個字母u呢,就讀/uː/。係喇,係喇,阿Vamp,就係post咗呢條片出嚟。噉我哋都擺喺show notes度啦。噉呢個就係一個好得意嘅現象囉。

The rest of the transcript is available to Patreon members.