絮言.狂想#046:最CLS嘅語言竟然係*文?

新年快樂!開展新一年嘅計劃之前,不如回顧下上年年尾外遊嘅語言見聞吖!

風靡一時嘅超醒人工智能ChatGPT,乜都可以答到你,噉佢有乜嘢係做唔到嘅?佢嘅創意可以去到幾盡?

人工語言迷嘅創意就一定無限,因為有人整咗個語言出嚟,CLS到你要兩把口先講到!

喺YouTube收聽

成爲 Patreon 會員除咗有足本逐字稿,仲有得投票、參與Discord,同埋以下豐富嘅額外內容添!
-以色列新電腦最慳時間係……?
-法文兩個H,香港係邊一個?
-我買故我在
-*文難聽過粗口
如果想單次打賞,亦都可以請我哋飲杯咖啡

本集特別鳴謝:Klaus、Anthony、サム、阿擇

Subscribe to our newsletter!

苗:保加利亞嘅岌頭同擰頭係調轉嘅。

以:點解啊……

苗:所以成日好多誤會。所以成日呢,問完問題呢,即係你個心情會有好大嘅起伏啊。即係問譬如「呢度開唔開啊?」然之後佢擰頭,即係即刻:「哎啊,死喇,唔開。」原來係開囉。因為擰頭即係開。

以:我想體驗下喎。我……

靳:係要撈兩秒先,跟住……

苗:係啊,每次都係噉㗎。好搞笑啊。跟住「收唔收卡啊?」然之後擰頭噉樣。跟住:「哎啊,噢。又要㩒錢喇。啊!唔係喎,收卡喎。」

[jingle]

以:新年快樂!

苗:新年快樂!

以:新年快樂!二〇二三年快樂!

靳:新年快樂?!

以:同埋兔年快樂!新年進步!

苗:闔家平安!

靳:心想事成!

以:龍馬精神!利日逗來!啊,唔係喎。

苗:恭喜恭喜!

靳:大家噉話!

以:歡迎返到嚟《絮言.狂想》第四十六集,我係以色列。

苗:我係三苗。

靳:我係靳尼啊。

以:噉我哋上次呢,聖誕節就直播咗啦,於是我哋過咗兩個禮拜,都冇乜傾過偈喎。但係而家我哋已經去到新一年嘞,噉大家有咩搞作呢?

苗:每次去到呢啲情況呢,大家都唔知講咩好啊。即係每一年都話:啊,我要有呢……噉多個咩新年願望啦,噉其實去到最後呢,大家都係……都係冇做到㗎,好似。去到一月中就差唔多放棄㗎喇。

以:你有冇新年願望啊?噉。

苗:冇啊。

以:即係已經預咗會放棄,所以就放棄咗先。

苗:就係因為噉吖嘛!即係點解要新年先有願望呢?即係平時都可以有㗎嘛。即係啲目標呢啲嘢,你平時都可以搞啦。新年先搞?其實都係嘅……都係人哋搞,跟住搞啫。

以:跟風啦。喂!其實係喎,你有冇留意到呢,我哋好似講新年願望係多啲㗎喎,噉但係英文係講新年目標,或者係「決志」噉樣嘅講法㗎嘛,resolutions。係咪呢個文化差異?

苗:即係我就係嗰啲1980×1080。

靳:哦,OK,OK,可以。4K,4K。

以:喂!呢個……呢個唔得。

苗:4K喇,而家。

以:我而家唔係4K喇,我而家呢個係1440,但係係廿一比九。

苗:係喎,你而家個咪係新嘅,定係舊㗎?都係。

以:個咪係原本嗰個咪囉!

苗:原本嗰個咪嚟嘅。

以:我用咗咁耐,都係呢支咪,係喇。

靳:你係個poop filter係新㗎?定係……

以:唔係啊。

苗:Poop filter……filter啲poop。

以:你係咪冇見過我個咪,所以……

苗:因為阿以色列呢,最近好似更新咗你嘅硬件喎。你有好多……好多新嘅嘢喎。你嘅硬件。

以:更新我嘅硬件,好多開心嘢。好多好玩嘅嘢啊。呢啲錄嘢嗰啲就冇換到嘅。同埋我個mon已經用咗兩個零用㗎喇。不過係新年新電腦,係咪啊?我啱啱前日就砌起咗部新機。

苗:新嚟新豬肉,新屎坑……

以:仲有咩同「新」有關嘅俗語啊?唔爭在爆埋出嚟啦。

苗:諗唔到喇。

靳:辛辣麵。

以:冇喇。

苗:哦。我屋企有……廚房有幾包。

以:靳尼搞爛gag呢樣嘢呢,係永世都唔會變嘅。呢個永恆㗎嘞,新年都係一樣。

苗:永恆嘅定律。

靳:我……我決定新年搞下啲新意思,因為大家都有新年目標,所以我決定搞啲新意思,就係冇新年目標。

以:咦?噉你嘅目標就係冇目標呀?

靳:係嘞,我要達到無欲無求嘅效果。

以:無欲無求……我舊年咪就拍咗條片,講我嘅新年嘅語言目標囉,二〇二二嘅時候。

苗:即係就有欲有求嘞。

靳:係咪要回顧下啊?

以:但係我嘅目標就係我唔想學一個新嘅語言啊。即係因為對我嚟講啦,我唔知你哋係唔係啦,唔學一個新嘅語言係難過學一個新的語言嘅。

苗:好花心啊。

以:語言迷就係咁花心。一唔小心就「哎啊!我開始咗一個新嘅語言添!」

苗:花心蘿蔔。

靳:但係你好似開始咗一個新嘅語言喎!

以:因為呢個係二〇二三啦嘛!我成功噉過咗二〇二二嘅挑戰啦嘛!唔學語言嘅挑戰。但係我新語言係咩呢?大家就睇片啦,我唔劇透喇。

苗、靳:拭目以待啊。

靳:唔使等半年。

苗:噉蒙古呢?

以:咩話?

苗、靳:「色目」以待。

以:吓?

靳:色目人啊!

以:呢個我唔識添,死喇。

苗:元朝嗰啲啊。

靳:嗰個……嗰個……

以:呢個……呢個好deep cut啊,搞唔掂啊。

靳:呢個……呢個太深啊,呢個中史gag嚟㗎,呢個。

以:呢個真係……真係有啲深。

苗:我中史都係爭啲唔合格㗎喎,我都識喎。

以:點樣……點樣寫啊?

苗:顏色個色,隻眼嗰個目囉。色目人。

靳:隻眼嘅顏色。

以:吓?冇聽過喎,真係。

苗:咩元朝四個等級嘅人吖嘛,蒙古人、色目人、漢人、南人囉。係囉。色目就係其他外族囉,唔係漢族,唔係南……唔係南蠻嘅……嘅一啲外族囉。

以:我可……可能真係對於呢個元朝冇乜認識。我有啲印象。

苗:我都冇,我淨係識呢個㗎咋。

以:我記得嗰個咩四個caste噉樣。唔同嘅等級。但係之後有啲咩名,我唔記得。

靳:種姓。

苗:種族囉,佢係。

以:噉我哋而家呢,就傾下我哋上次直播講唔到嘅嘢啦。因為呢,我哋上次其實準備咗OK多嘢講嘅,我哋驚冇人嚟聽,冇人同我哋互動。所以我哋準備嘅嘢,基本上係成集咁多㗎喇。

苗:最後都……都算幾熱鬧喎,好多人喎,比起之前更加多人啦。

以:好熱鬧啊。

苗:第三次,今次最多。

以:同埋好踴躍囉。係啊,今次最多。係咪有七個啊?好似。

苗:都差唔多。

靳:差唔多有咁多個。同埋大家呢,都講嘢好踴躍啊。

以:我哋得到咗好多回應啊。

靳:如果我哋下次開live呢,大家想嚟參與嘅話呢,都記得加入我哋嘅patron……加入我哋嘅Patreon做patron喇。

以:係啊。因為我哋開直播嘅時候,真係好好玩㗎。我哋平時係我哋自己喺度吹咋嘛,噉但係之後啲patron喺度回應嘅時候呢,就一直喺度帶住個對話囉。噉所以我哋有時會去咗啲勁𠮩𠹌嘅嘢囉。係啊,我啱啱po咗嗰啲bonus嗰啲部份呢,有啲真係……諗返轉頭,點解會講咗啲噉嘅嘢嘅?好似有成大段係講學術啦,之後有啲係講啲我都唔識嘅標準嘅嘢啦。

苗:如果大家想呢……對呢啲bonus都有興趣呢,都可以去我哋個Patreon嗰度去支持我哋,噉就可以聽到更加多嘅加料嘅一啲節目內容喇。

[06:30]

以:好,噉我哋而家再加料,加返落去上次講嘅嘢。因為我哋有啲想講去旅行嘅嘢嘅。噉因為我十二月就去咗一轉巴黎啦。其實我就識少少法文嘅。少……少少。

苗:少少?你肯定?

靳:少少……咩叫少少?

以:少少即係……即係好多年冇用過噉解啦。噉之後就諗,去到嗰度用唔用到法文呢?噉事關呢,應該三苗都明嘅,呢個。我成日學啲……

苗:唔等使嘅語言啦,你可以叫。

以:係喇。學嚟把鬼嘅語言。

苗:即係所謂唔等使,就即係通常學嗰啲語言……嗰啲人都係識英文嘅。就英文好叻添嘅,甚至係母語者添嘅。

以:而家越嚟越係噉啦。呢個問題越嚟越嚴重。噉就學完之後,想同人哋講,人哋就唔肯講嘅。噉去到法國,就諗緊,係咪一個唔同嘅體驗嚟嘅呢?因為法國英文係差啲啦,唔係……講唔講得㗎?好似係客觀事實嚟㗎嘛?

靳:呢個客觀事實嚟嘅。

苗:普遍嚟講啦。

以:係啊,噉但係我又諗:巴黎始終係啲國際城市嚟㗎嘛,噉所以會唔會有啲唔同呢?噉結果就發覺好兩極化囉。即係我走去試唔同嘅人啦,之後大部分情況呢,得兩種㗎啫。第一種就係佢唔肯同我講英文,呢個就係典型嘅法國人啦。噉第二種就係唔肯同我講法文,淨係同我講英文。所以幾好吖,兩者兼收。

苗:有冇話嗰兩種人有啲咩唔同呢?

以:冇喎,好random喎。

苗:哦,即係都係估唔出嘅。嗰個人會點樣應你。

以:估唔出啊。我諗會唔會係啲好客啲嘅,就會同我講多啲英文呢?噉但係我去到迪士尼樂園呢,啲人又特別肯同我講法文㗎喎,雖然我法文麻麻地。之後我就諗:嗯,真係一個魔法嘅世界嚟㗎。

苗:係啊,全世界最開心嘅地方吖嘛。

以:係喇,就係可以去用你嘅語言。呢個就係個fantasy喇。但係最奇怪嘅就係試過有一個侍應呢,我同佢講法文呢,佢同我講英文啦。噉之後我隔離有個美國嘅白人,同佢講法文,唔知係咪好過我呢,定係差唔多呢,噉之後個侍應同佢講返法文囉。所以嗯……

苗:噉可以好多原因嘅,就。

以:可以好多原因嘅。

苗:唔知點解啦。

以:明明佢哋有嗰個Emily in Paris口音㗎。但係……所以真係睇唔透。

靳:可能你就係爭咗嗰個Emily in Paris嘅口音。

以:係咪啊?

靳:係啊。

以:我點樣……點樣講啊?Bonjour。

靳:Bonjour。

以:Voulez-vous coucher avec moi?

靳:點解個個次次都係講呢句嘅?我想問。

以:我覺得因為係個個次次都講呢句,所以佢變咗個meme囉。

靳:係啊。

以:即係唔識法文就係講……即係donde esta la biblioteca。

靳:佢同啲……佢同……

苗:要解釋喎,呢句嘢。

靳:佢同街邊買花個阿婆都噉講,跟住就搞唔掂,真係。

以:呢啲係唔識個語言,淨係識啲啲多,就會識嘅句子。Voulez-vous coucher avec moi就係「你唔想同我上床」啦。會唔會係關佢個vowel事呢?因為全部都u u u呢,好似有vowel harmony噉樣。

苗:元音和諧,容易啲講啊,容易啲記啊。

靳:法文嘅vowel harmony……

苗:Voulez-vous……

The rest of the transcript is available to Patreon members.