以：喂，我哋完之前呢，我哋有一個好重要嘅絮言爛gag啊。就係啱啱我喺度問緊你哋點樣揀呢啲……擺咩語言上個牌上面吖嘛。
苗：哦！
詹：吓？係點啊？
苗：你講緊你個……你個名嗰個。
以：我本來唔諗住講㗎，但係我……我問你哋之後呢，我就醒起有呢件事喇。
靳：不得了，真係。
以：因為我自己點排呢？就係……我咪話我有個system嘅，我已經決定咗我點樣揀邊啲語言寫上去，因為有好多語言，我係學過下，但係放棄咗嘅。噉呢個我已經知㗎嘞。噉至於點樣排次序呢？噉我就都係由最好去到最差嘅程度啦。噉佢畀你寫你個牌嘅時候呢，因為佢今次冇畀旗我哋啊，即係三苗好開心啦，佢唔係用旗嘅。
靳：因為三苗好唔鍾意用旗嚟表達語言。
苗：唔係，係我講我識嗰啲語言，都……好多都……啲旗都唔啱嘅。
以：哦，噉有啲人自己走去畫旗。不過係嘞，噉佢就畀咗好多顏色筆嚟到……你自己決定鍾意畫咩就畫咩啦，噉我就覺得：嗯，幾正喎，噉不如我透過呢啲顏色，嚟到代表我唔同嘅程度啦！噉我就決定用呢個彩虹嘅六色喇，即係六隻顏色。噉就紅色係最低，因為係咪最低energy？紅色光。
詹：係啊。
以：之後紫色就係最高嘞。
靳：原來因為噉。
以：好似係。噉之後三苗就話……你自己講。
苗：嗱，佢嗰啲語言嘅名係以顏色去排列㗎嘛！噉咪以色列囉。
以：我就……我就問佢：你等咗幾多年，嚟揾呢個機會，搞呢個爛gag？
苗：其實搞過嘅，但係唔啱context，即係純粹係夾硬講出嚟。噉但係呢個係佢擺上枱噉樣。
以：畀位你入。
靳：你喺度邀請緊佢搞呢個gag囉，基本上。
以：畀咗個位你入。係啊，因為之前我哋有講過可以噉樣解以色列嘅，噉但係未出現過個情況，真係用顏色嚟排列。
詹：Sort by colour。
以：係啊，係啊。
苗：冇錯。
以：係咪呢程最大嘅收穫，就係可以搞呢個gag？
靳：我究竟聽咗啲乜嘢啊？真係。
[jingle]
以：歡迎返到嚟《絮言．狂想》嘅布達佩斯直播下集。呢次直播呢，就係三位主持同埋嘉賓詹屎一齊聚首一堂，參與布達佩斯嘅Polyglot Conference翌日錄嘅一個直播，其中傾咗好多同個conference有關同埋冇關嘅主題。如果未聽上集嘅話呢，可以㩒show notes嘅link去聽返啦，或者亦都可以直接聽下集㗎！事關呢次直播呢，都一直喺唔同嘅主題之間飄移。點解？因為絮言吖嘛！
[fade in]
靳：清晰多瑙河。
苗：好清晰啊，啲……啲水。
以：啊，係啊，講緊Simcott吖嘛。
靳：係啊，講緊Richard Simcott啊，就係搞呢個Polyglot Conference嘅大搞手。
以：佢真係啲polyglot嘅活動嘅元祖嚟嘅。因為佢係首先諗到個idea，搞個conference，然之後再衍生咗其他類似噉樣嘅活動。即係我去開嗰啲gathering啊，都係參考佢噉樣。
苗：係，好多language event。即係佢係呢個polyglot界嘅……叫咩啊？中流砥柱。
以：中流砥柱，啱啊。同埋我覺得阿詹屎係講得啱，佢最寶貴係佢好有heart囉。即係無論佢有幾出名都好，佢都係……
苗：好謙啊。
靳：好謙虛。
苗：即係唔會好似……好似（嘟）噉樣呢……
以：已經嘟咗。
苗：自己……自己想像啦吓，係邊個。係囉，即係佢搞咁多年，都仲係冇乜醜聞啊。好受人尊敬，即係冇乜人講佢壞話，真係。因為佢真心好好人囉，咪就係。同埋佢講嘢都係……
靳：好溫柔。
苗：好入迷啊，令到人聽到。佢把聲好溫柔啦，佢講嘢又好有條理啦，唔似得我哋噉樣。
靳：我哋練習緊。
以：噚日呢，因為有個人原本要講呢個The Polyglot Brain嘅，我哋好想去聽嘅，我哋噚日起身就想聽嗰個㗎喇。但係點知嗰個人出席唔到，噉Simcott佢就朝頭早六點鐘呢，就即刻prep咗個talk。
苗：臨時整咗個talk出嚟囉。好勁喎。
以：係啊。噉佢就講啲關於Cornish嘅……
苗：係啊，呢個康和語啊。
以：康和語，係喇。
苗：即係總之佢就一個好犀利嘅人啦，真係。
以：係囉。佢……佢講嘢係……我覺得佢係好有技巧，即係佢一個……嗰啲叫咩啊？演講家嚟㗎。
苗：Orator，演講家，係啊。
以：因為就算佢講啲嘢，我已經知道晒，又或者我已經聽過晒，但係覺得嗯，聽佢講係好soothing。
苗：係啊，好治癒啊。
以：好，我哋唔好J佢喇。
詹：I mean對……
[04:25]
苗：我哋前兩日呢，阿以色列坐喺個梳化度傾偈嘅時候呢，就話：哎啊，如果我哋錄低呢，就好喇。可以……明明係podcast講嗰啲嘢。跟住我同佢講：唔係所有嘢都係content嚟㗎，唔係所有嘢都需要錄低變成……
詹：我哋都有講啊，我哋討論緊disability嘅命名。
以：係啊，我哋都有……最後都有講。
詹：即係點樣叫disability嘅人係最好。同埋討論緊……因為呢，佢話咩聾嘅人，係會想你叫佢做Deaf多過hearing impairment。
苗：係，啱啱講聾人嗰個talk呢，噉佢就好強調……起碼英文裏面啦，佢哋就鍾意用Deaf同埋hard of hearing呢兩個term嘅，就好唔鍾意用hearing impaired。因為佢覺得……即係佢哋覺得hearing impaired係一個slur囉，係一個好侮辱性嘅詞彙。可能因為impair係一啲有問題嘅嘢囉。但係我又噉樣諗：噉hard of hearing都係㗎？即係佢有問……好似好難聽到嘢噉。聽落去冇咁嚴重嘅，但係我覺得個感覺都仲喺度囉。
以：係啊，所以其實你都係問佢。所以我記得學過嗰個咩語言哲學啊，就係話語言其中一樣最緊要嘅特徵，就係佢係arbitrary嘅，所有嘢唔係一定有個原因、有個意思喺度。
靳：即係任意嘅，其實係。
以：係囉。即係點解呢個啱、呢個錯，係冇乜必然嘅原因，純粹係佢係……因為係噉，所以就係噉。
靳：大家約定俗成係噉樣樣。
苗：我覺得每樣嘢都有歷史嘅因素囉，即係係乜嘢人用嗰個字、喺啲咩情況底下用，噉你就用……即係好似玩爛咗個字噉樣。如果係一啲本身嗰啲intention就唔好嘅人，去用呢個字，去貶低人啊、去侮辱人啊，噉嗰個字自然就會變成侮辱性囉。
靳：即係我哋講緊嘅委婉語跑步機。
苗：Euphemism treadmill啊。
以：即係你會一直係噉諗啲新嘅委婉語出嚟。
苗：係啊，呢個係……係好經典嘅例子嚟㗎喎，講即係所謂殘障嘅人。即係最初初係handicapped啦，講。定係再有一個，再早啲㗎？應該一定有，咩cripple噉樣吖嘛。
靳：Cripple，係一……最早係cripple。
苗：Cripple，你見到聖經裏面都有啦，即係耶穌醫治痂腿嘅人，就係cripple。Jesus healed the cripples。
靳：茄腿？
苗：茄腿，係。係咪噉讀啊？
詹：唔係koe4腿咩？
以：唔識。
靳：keoi4腿……
苗：跛腿啦，屌。跛腳。
以：番茄腳。
靳：你呢個訓讀嚟嘅，呢啲。
苗：跛腿的人。噉之後就變咗做……
以：我們說書面語吧。
苗：之後就變咗做呢個handicap啦，然之後handicap又……啲人又唔鍾意嘞，就變咗做disabled。
以：kep6。
苗：kep6同handicap有冇關係㗎？
以：kep6係handicap吖嘛。
詹：係啊，kep6咪就係handicap度嚟囉。
靳：kep6係handicap啊。
苗：啊，OK。
以：呢個廣東話嚟嘅，kep6。
詹：但係kep6嘅人，係唔係真係handicap嘅。即係真係handicapped嘅人，你話佢kep6，就應該唔得嘅。
以：係……係引申義嚟嘅，係啊。係喇。之後但係handicap就變咗……
苗：就disabled囉，應該就係。
詹：係，但係disabled得唔得？
以：Disabled，之後challenged。
苗：Challenged呀？即係乜乜乜challenged噉樣囉。
以：係囉，但係之後又返返轉頭，去返disabled。
苗：仲有一個differently abled。
以：啊，係啊，係啊，啱啱我哋一開始講嗰個。真係好委婉啊，differently abled。
詹：但係噚日就講緊而家我知道有某啲團體係連disabled都想避開，就叫佢做accessibility customers噉樣。
以：嗯，即係有啲特別需要嘅顧客。
詹：唔係，或者……
靳：跟住過多十年，就會有人用accessibility customer嚟鬧人噉樣。
苗：係，你個accessibility cu……其實而家都有。
以：我覺得可以喎。
苗：我覺得好容易喎。
以：即係少少反諷嘅口吻，就可以鬧到人。
苗：一定係啦。
以：不過即係好似我哋講「你個天才吖！」噉樣，都可以其實鬧人嘅。
苗：即係其實譬如social justice warrior噉樣，SJW，都大把人當係侮辱性噉樣鬧人。你個SJW，即係……
以：Woke嗰啲。
靳：而且大家係好多人係用嚟鬧人噉樣。
苗：係囉，攞嚟鬧人㗎喎。
靳：即係多……用嚟鬧人係多過真係……
苗：你啲woke……woke囉！
以：Woke囉。
靳：Woke囉，係吖。
苗：呢個字本身應該唔係攞嚟鬧人㗎嘛，係話你好覺醒啊，好……
以：啟蒙。
苗：Aware到世界上有啲咩不公義嘅嘢吖嘛。但係之後就用woke呢個……基本上係而家得返……得返啲保守派嘅人用囉。真woke嘅人係唔會講woke囉，除非係笑返啲保守派嘅人用呢個字囉。就會自稱：啊，我woke噉樣。
詹：或者自嘲囉。
以：自嘲……自嘲都得，係。淨係得瞓覺嘅人先會講woke嘅啫，而家。
苗：阿Sam話有呢個……日文有敬語遞減定律喎。佢下面有個例子，係kisama呀？Kisama，兩個字都係尊敬語，但係而家就非常之貶義囉。
靳：係鬧人㗎。即係唔可以立亂同人用㗎，呢個。係好粗㗎，呢個。
詹：點解啊？
靳：但係唔知囉。
苗：即係好似當你咩……阿「大王」噉樣囉。即係同人講：啊，你皇帝呀？你。噉樣，即係類似嗰啲feel啊，係咪啊？我唔知喎。會唔會係噉啊？
靳：嗰個感覺，我唔知係點樣樣嘅。因為我冇……
苗：我冇語感，對呢樣嘢。
靳：第一，我冇用過。
以：第一，我唔識日文。
靳：第一，我唔識日文噉樣。
詹：哦，即係係咪……即係同人講「少爺」啲，係咪啊？
以：少奶奶。
苗：係囉，即係畀一個你唔deserve嘅一個好尊敬嘅名稱畀你囉。
詹：即係通常啲阿媽就係話……你唔做家務，就係話你「少爺」噉樣。
苗：係啊。點啊？少爺？皇帝？噉樣囉。
詹：係咪噉樣？類似。
[06:51]
以：可能係？好得意啊，有冇啲每個字嘅唔同嘅感覺啊，或者嗰啲collocation啊，畀人聯想到乜嘢啊，真係……語言之間囉，同埋文化之間，都好唔同。因為我記得噚晚，我哋去酒吧傾偈嘅時候呢，阿靳尼同我講話：而家係唔講autistic㗎喇喎。佢哋講have autism。
靳：有啲人唔鍾意autistic呢個字。
苗：咩……咩people with autism。
靳：People with autism。
苗：Pers……叫做咩people-first language。
以：哦，即係people of colour……
靳：你要講咗個人……係人先，總之以……以人為本囉。
苗：係，即係你話嗰個autism係發生喺佢身上嘅嘢啫，只係。而唔係佢嘅人個本身嘅本質囉。即係佢唔係一個autistic嘅人，佢係一個人，佢有autism。

The rest of the transcript is available to Patreon members.