苗：今集嘅「飲水思源」呢，就都好貼切喎，好符合今日嘅題目啦，就係又有廣東話又有夏威夷文嘅元素喺入面嘅。
靳：係。
以：完咗。
苗：唔係，有⋯⋯有諗住有人接啫，okay，噉我繼續講啦。
以：唔知㗎⋯⋯
苗：好。
以：唔係我負責⋯⋯
苗：噉啊⋯⋯
以：呢單嘢唔係我跟開。
苗：唔係你跟開，好。
[jingle]
以：歡迎返到嚟《絮言・狂想》第56集，我係以色列。
苗：我係三苗。
靳：我係靳尼啊。
以：畀一分鐘我先，我唔知點解我好細聲。
苗：我哋畀一分鐘以色列吖，佢好細聲啊。
靳：呢個要cut入去嘅，呢個。
以：點解⋯⋯點解咁細聲嘅？
苗：你大聲啲咪得囉。
靳：你講嘢大聲啲啦。
以：係咪啊，大聲啲啊。哦，係喎，真係喎。好啦，噉我大聲啲啦，係喇。
苗：Speak up。
以：Speak up。
靳：你嗌啦。
以：吖！救命啊。啊，唔可以亂咁嗌救命。
靳：人在遠方蟬沒有和唱。
苗：乜嘢⋯⋯
以：好。好開心啊，我返到屋企呢，可以用返我平時用開個電腦嚟錄音啦，舒服好多啊。我成個set up喺晒度啊。
苗：咦，呢個係咪第一次⋯⋯你立陶宛返嚟之後第一次錄音啊？
以：係啊，我哋上次錄音就係喺立陶宛吖嘛。
苗：啊吓。
以：我喺中間嗰段時間就⋯⋯
靳：係。
以：我都有帶呢隻咪同呢部⋯⋯其他嘢過去嘅，噉但係因為我個手提電腦嘅限制呢，噉所以就⋯⋯有好多嘢都難做咗好多囉。係用返我⋯⋯我哋《絮言》一開始嘅時候錄音嘅方式啦。但係我返到嚟英國之後呢，就有個靚啲嘅硬件啦，噉就可以舒服啲喇，錄得。
苗：好似嗰啲⋯⋯嗰啲人⋯⋯啲飛機嗰個⋯⋯嗰個駕駛室，好多個嘢噉樣。
以：都係啊，我feel到會越嚟越多嘢啊，我前排又買咗個鍵盤係專係幫我剪片𠺢嘛，之後又攝落成個⋯⋯
苗：我見到啊，好pro啊，成件事。
以：係咪好正啊？
苗：好似DJ噉樣囉。
以：係啊。
苗：即係我唔識嘅話，就會見到好似⋯⋯㩒下㩒下掣，喺度郁，喺度捽碟噉樣。
靳：仲有個嘢畀你擰呢。
以：係啊，有個嘢擰下擰下呢，就係向前向後噉樣啦。噉之後如果你喺我條片我講緊嘢嘅時候你喺度擰，噉就聽到以色列把聲就喺度drdrdrdrdr，drdrdrdrdr噉樣㗎喇，或者可以前後調轉噉。
苗：咪即係DJ噉囉。
以：係啊，捽碟囉，就係。有個硬件喺度開心啲嘅，我對上一條片呢我剪嘅時候都勁痛苦啊，慢慢等噉樣。
苗：用mouse㩒㩒㩒。
以：唔係，唔係個⋯⋯唔係個鍵盤問題，係⋯⋯係個電腦搞唔掂。
苗：哦～而家勁。
以：慢慢慢慢噉嚟，之後又係噉hang機。
苗：噉而家好重係咪啊，部機。
以：哈～係啊，正常嘅狀態係重機啊。我唔知點樣反應啊，呢個。點解你取代咗阿靳尼嘅角色嘅？
苗：大師兄返嚟喇。啲爛gag返嚟喇。
靳：噉你嗰部機係咪三菱啊？
以：乜嘢？
苗：三菱重機。
以：咩嚟？嗱，阿三苗今日個狀態有啲怪怪地，我知你有少少唔舒服㗎，但係點解你個身體唔舒服會令到你多咗爛gag嘅呢？
苗：我不嬲都多㗎喎，呢個⋯⋯呢個唔係⋯⋯唔係今日嘅事嚟㗎喎。
以：你⋯⋯我哋由今日開⋯⋯傾計開始，一直以嚟你係噉喺度爆喎，你停唔到咁濟喎。
苗：係，我畀阿靳尼感染咗。
以：感染咗，遙距感染咗。
苗：所以就⋯⋯ahem。係啊。
靳：呢個爛gag病。
以：Ahuhem。咳咗個爛gag出嚟。
苗：啱啊，你cut⋯⋯cut咗佢。Ahem。
靳：會傳染啲爛gag畀人。你想講咳咗佢定喺cut咗佢啊。
苗：kat1咗佢囉。唔係kat1咗佢，係kat1咗佢。
以：Ahem，咳出嚟。
靳：Okay。
以：好似咳啲痰出嚟噉樣。係啦，大家過去幾個禮拜又做啲乜嘢啊？即係我返到嚟，唔知大家知唔知我好忙啦。我又喺唔同嘅社交媒體上去update嘅。
苗：係啊，好忙啊。
以：兩位又近況如何呢？
苗：我⋯⋯忙嘅相反。
以：忙嘅相反？
靳：嘩，起。
苗：我等你咋嘛，次次都係等你「得唔得啊，錄啊錄啊」，噉樣。
以：喂⋯⋯係⋯⋯喂你唔好講大話喇吓。嗱，呢個大話嚟嘅，唔准噉啊，知唔知啊，曳啊。
苗：Slander。唔係，噉大家⋯⋯係囉，即係大家都比較難夾啦，可能今個月。大家都好多⋯⋯好多活動啊。Stacked September啊，叫做。
以：好多嘢做嘅九月。
苗：唔知喎，硬係覺得九月好似好多嘢做噉，成日都。
以：噉，如果學生嘅話就係開學嗰啲啦。
苗：係。
以：噉的確，我而家都係有好多啲開學嘅活動參與緊。
苗：哦。
以：係啊，可以扮返啲年輕嘅學生。
靳：你有冇去呢個⋯⋯去camp噉樣啊？
苗：係啊，啲人問你year幾噉樣。
以：喂，真係喎，我去啲咩所謂taster session呢，之後⋯⋯
苗：咦，同學⋯⋯
以：啲人走埋嚟「阿同學你好啊！」
苗：「係咪year 1啊？」
以：「你係咪第一次嚟啊？」好⋯⋯好過癮㗎，但係之後就話「我唔係啊，我係最後一年嘅博士生。」
苗：心諗：「誒，走啦」噉樣。
以：同埋你下個月會拉我嘅作品㗎。
苗：嘩，勁喎，呢啲。即刻⋯⋯即刻⋯⋯
以：我喺呢個年紀呢，畀人話我後生我好開心㗎，知唔知啊？即係你去到買酒嘅時候呢，人哋check你ID呢。
苗：即刻換返幅超先。
以：可⋯⋯可能三苗仲後生冇呢個感覺啊。
苗：Okay啦。
以：Okay啦。
苗：都過咗十八歲好多年㗎喇，唔好噉講。
以：啊，不過你又唔飲酒，所以冇乜呢個經驗，可能。
苗：都買過嘅，其實都。唔飲啫，可以買𠺢嘛。
以：咁偉大嘅？幫人犧牲。
靳：即係你係周圍買酒畀人飲噉樣？
苗：即係唔係幫嗰啲未成年嘅人買，利申先。犯法嘅嘢我唔做嘅。
以：Slander！
靳：我哋呢一集係噉喺度誣捏人哋。
以：啊，幾時誣捏埋阿靳尼？諗下先，搵個機會。係，講開呢幾個禮拜做啲咩呢，可以順便買下關子先。因為呢，我上個禮拜呢，就去咗劍橋啦，噉做啲音樂嘢⋯⋯
靳：啊下。
以：噉就探咗位朋友，係喇。噉佢都係我哋嘅聽眾，同埋我哋嘅patron嘅朋友嚟嘅。噉呢，點樣形容佢呢？佢係一個⋯⋯嗰啲叫咩啊？Wikipedian喎。
苗：係啊，維基人囉。係有呢個term𠺢嘛。
以：維基人呀，係咪有呢個term㗎？Sor，我唔係好熟。
靳：維基人，有啊，有呢樣嘢。
苗：有啊，有啊，有啊。我以前細個嗰陣做過少少。
靳：做過維基人。
以：佢好似都做咗好耐喇。
苗：係啊，係啊。
以：好有經驗嘅維基人。
靳：即係唔係去搶劫人哋嗰啲，歷史上高嗰啲。
苗：嗰啲維京人啊，嗰啲係。
靳：係啊，嗰啲係維京人。
以：發音好緊要啊吓。
苗：大師兄返嚟喇！終於有爛gag。
以：佢係喺中文維基同粵文維基都好活躍嘅。
苗：唔～
以：噉可能我哋搵次機會同佢傾計？
苗：好啊。
以：咁難得我又同佢⋯⋯同佢過咗一個週末啊。噉如果大家想聽呢一位神秘嘉賓講嘢嘅話呢，噉就記住留個言啦，我哋講你對呢一個主題有興趣啦。
苗：順便講埋今次本來都可以同人傾計。
以：係啊，我哋今⋯⋯我哋今日有旁聽嘅，話說。
靳：旁聽⋯⋯
以：有冇人有興趣解釋下發生咩事。
靳：噉話說就係因為我哋本身今日呢位嘉賓呢，都係我哋嘅時間問題啦，其實我遲咗返屋企，噉所以就令到佢屋企有啲狀況呢，係今日未能夠錄音嘅，噉所以佢今日就會旁聽我哋嘅錄音。
苗：啲技術問題囉，都係。我哋每隔幾集就有㗎喇。
靳：係喇，噉就下一次就會再嚟我哋嘅節目，就係噉樣。
以：我哋都唔係好多技術問題啫，我哋係有啲⋯⋯
苗：通常想做啲好奇怪嘅嘢就會有啲技術問題。
以：因為我哋唔夠資金擺落去啫，係咪啊。
靳：我哋唔夠技術。
苗：係啊，噉所以⋯⋯
以：係喇，我哋買多啲技術呢就少啲呢個問題喇。每次有個嘉賓呢，就寄枝咪畀佢。
苗：喎。
以：噉就咩問題都冇晒囉。
苗：你唔可以噉樣㗎喎，唔可以⋯⋯
靳：即係即係要買廣告就係話，「你快啲嚟做嘉賓啦，我哋會送支咪」畀你噉樣，會寄到你屋企，包埋運費噉樣。
以：呢個嗱，笑話嚟嘅。
苗：For legal reasons，呢個係笑話嚟嘅。
以：呢個笑話嚟嘅，大家都⋯⋯
靳：呢個係笑話嚟嘅，之後如果大家想嚟做嘉賓我哋係唔會寄咪畀你嘅，對唔住啊。
以：係，大家要自備一枝咪啊，不過如果大家想做嘉賓嘅話可以同我哋聯絡啊。
苗：如果你想我哋有資金呢⋯⋯
靳：係喇，噉講到資金啦同埋Patreon啦，噉都提提大家呢我哋係有一個Patreon嘅專頁嘅，噉喺呢個Patreon上高呢，如果大家join咗做我哋patron嘅話呢，噉係可以呢，聽到我哋有時刪減咗嘅部分啦，可以有我哋完整嘅逐字稿啦，噉就可以愛嚟做學術嘅用途又得，可以睇下又得，你鍾意，即係跟住嚟睇都得，冇問題嘅。
以：你鍾意可以愛嚟做研究㗎，整個複製《絮言・狂想》冇所謂㗎，你做我哋patron得㗎喇。
靳：係啊，完全冇問題，雖然我哋已經做過喇。係啦，噉但係⋯⋯
以：你可以做個更加好嘅。
靳：經過五十幾集你係可以做個更加好嘅出嚟。噉我哋都有個Discord server嘅，有時我哋會喺上高呢，就會整一啲live啦，即係我哋有啲直播嘅情況啦，嗱，我哋去賣個關子，我哋下個月都會有一個直播嘅。
以：唔係賣關子，直情要賣廣告喇，我哋下個月⋯⋯
靳：下個月，下個月。
以：一個月後咋。
苗：啱啊。
靳：會喺一個十分之特別嘅地方做直播嘅，噉所以大家就密切密切留意喇。
苗：啱啊。
靳：噉如果大家想join嘅話，就記得join咗我哋嘅Patreon先喇。
以：唔賣關子，直接講，我哋三個第一次真人見面啊，好緊要嘅一個歷史嘅時刻嚟㗎。
苗：切勿⋯⋯唔唔係，密切留意啊。
以：要密切留意，係喇。
靳：切勿留意。
以：切勿留⋯⋯
靳：噉我哋下個月呢，就會一齊合體三個人，可能仲有嘉賓一齊做直播噉樣樣嘅。噉大家就⋯⋯
以：呢個就賣關子嘅。
靳：係啊。
以：係啊。
靳：記得記得要做我哋嘅patron喇。
以：如果有聽眾聽咗好耐但係未做patron嘅話呢，噉記住嚟，起碼嚟見識下呢一個時刻喇。

The rest of the transcript is available to Patreon members.