以：幾好吖，我哋第六十七集講咗好多粗口啊。啱晒。
苗：係啊，嘟死你啊，今日。
以：嘟死你。喂，呢一個係咩意思啊？嘟死你係……
靳：你想點嘟啊？
苗：嘟成晚啊。
以：你想嘟邊度啊？嘟你成晚……
靳：你哋係咪要嘟佢，係噉嘟佢，係咪啊？
苗：嘟到好攰啊。
以：嘟嘟你。唉，望住部電腦喺度嘟。
靳：呢個叫咩嘢……咩unnecessary censorship，係咪啊？即係唔需要嘅……
苗：即係嗰啲相呢，無……其實本來係冇問題嘅，然之後無端端打咗啲格仔。
以：咩啊？有個channel專係做呢個㗎嘛。Unnecessary Censorship。
苗：係啊。係，跟住就好多想像嘅空間。
以：佢……尤其是凡親將fight同kill嘟咗佢呢，都會聽到fuck㗎。好神奇㗎。
靳：唔必要嘅審查，係。啱，唔必要嘅審查。
以：係咪要用Google Translate？
靳：係，用咗喇，已經。係唔必要嘅審查。
以：唔必要嘅飲茶。
苗：我哋以後呢，諗唔到啲……
靳：我哋以後開節目呢……
苗：就要開呢個Google Translate出嚟。有啲嘢唔識講，即刻「廣東話係咩？」
靳：備定個Google Translate，跟住即刻打落去。
以：啱啊。有啲咩……我哋可以morphosyntactical alignment。
苗：Morphosyntactic。
靳：有冇啊？
以：「形態句法對齊」。
苗：哦，對齊呀？佢變咗做。
以：Alignment吖嘛？
苗：我哋嗰陣時係叫咩啊？形態句法配列呀？
靳：句法……係啊，係啊。
苗：好，返返嚟先。
[jingle]
以：歡迎返到嚟《絮言．狂想》第六十七集，我係以色列。
苗：我係三苗。
靳：我係靳尼啊。
以：好期待，就嚟去到六十九喇。我哋要諗定嗰集講咩先。
苗：Nice。
靳：Nice。
以：我哋真係……要真係好好plan定啊，得呢一次機會㗎咋，所以要諗下。
靳：要講啲好nice嘅嘢。
苗：吓？但係呢個英文gag嚟㗎喎，呢個唔係廣東話社羣嘅inside joke。
以：哎啊！噉廣東話應該呢一集係個nice喎。
苗：係啊，係啊，係啊。六十七，係啊。
靳：咩啊，廣東話都……廣東話都係gag嚟嘅。
苗：唔係，六十九都得嘅。
以：都得，都得。
苗：但係，係同……六十七同六十九都係，廣東話就。
以：攞個average囉，六十八囉。
苗：唔好笑，但係。
以：係啊，唔好笑。
靳：唔係嘅，下次可以都……一零六九嗰陣時可以做。
以：嘩！幾時嘅事啊？呢個。
苗：有啲六……六百幾啊、七百幾嗰啲冧把都好笑，但係……
以：係咩？
苗：唔講得喎。
以：都係一……一六七、一六九嗰啲似樣啲啦。
苗：六八九嗰啲。
以：一六八突然間就老土咗好多嘞。
苗：變咗……一六八係……呢個係養生喎。
以：係啊。
靳：養生。
苗：可以係養生，或者可以係好老土嗰啲……
靳：係。
苗：祝你發財嗰啲，係咪啊？
以：噉我哋各位聽眾就一齊慶祝下我哋去到第六十七集啦！我哋就三六七一齊喺度……
苗：慶祝啲乜嘢啊？六十七係。
以：我唔知。我唔知。
苗：乜嘢……你就三六七！
以：我對啲數字好敏感㗎！所以呢，成日都喺度諗緊啲數字有啲咩關係、有啲咩聯想到。係喇。所以就……
靳：所以亞洲人計數咁叻啦。
以：係嘞！就係噉囉！或者可能係相反，因為計數叻，所以就對數字好有聯想。nyun4……lyun4……聯想。
苗：nyun4想。你nyun4想啊，你。
靳：好有nyun4……lyun4想。
以：喂，話時話呢，我哋今日第六十七集呢，係七月六號錄喎。嘩。
苗：嘩，mind blown。
以：嗱，我哋係寫6/7嘅，七月六號。所以呢，係yes，perfect池。
苗：Nice。
靳：我哋係七月六號六，噉我哋下次要六月七號七喇喎。
[03:34]
以：我而家仲回復緊啲精力啊，因為前晚差唔多通咗頂。
苗：哦。呢啲幾年一度就是但啦。應該嘅。
以：咩叫是但？是但即係應該定唔應該。哦，即係應該。
苗：即係係冇所謂囉，通頂都。即係好耐一次。
以：係啊。
苗：你五年後就冇精力㗎喇，可能。做唔到㗎喇。
以：嘩！講呢啲？係啊，因為我哋啱啱英國大選啦。噉我就真係好好心機噉樣走去……其實唔係好好心機，係忍唔住。
苗：係啊。
以：一路睇佢開票，開到五點鐘，我先瞓覺啊。
苗：好……好似食花生噉樣。一個好慢嘅一場……一場波。喺度：「哎，個結果點呢？個結果點啊？」
以：乜波唔係不嬲都好慢㗎咩？梳。
靳：有時可以好快嘅。
苗：睇下……睇下你睇咩波嘅。
以：睇下你睇咩波嘅，係。
苗：睇籃球嗰啲，兩……兩秒就入一次噉樣。
以：做咩啊？個個都直接射入籃度呀？睇𣁽地奇呢，就……
苗：𣁽地奇我冇睇過喎。
以：我都冇睇過啊。我……故事裏面嘅魁地奇，就係好慢嘅，可以打幾個禮拜嘅。
苗：我哋有冇個好啲嘅譯名啊？我哋講緊呢個哈利波特嘅Quidditch吖嘛。佢哋裏面嗰個……嗰個運動。
以：Qu……qu……
苗：粵語維基點叫呢？
以：虧？
苗：有冇廣東話版啊？係？有啊，粵語版啊。粵語版係……吓？都係𣁽地奇囉，咩事？
以：梗係啦。
靳：隙跌池。咪罅隙個隙囉！即係……即係你喺條罅度，跟住就跌落個池度，就隙跌池。
苗：嘩，跌落個……但係冇池㗎喎！Quidditch。
以：我想講我想……我想打水池個池呢，之後我個輸入法係出咗柒先囉。係咪真係打得多？
苗：啱啊。
以：但係現實世界嘅Quidditch，我就未睇過。
苗：係囉，總之……點解無端端講咗呢個嘅？
以：哦，因為講緊……
靳：睇波。
以：好慢嘅波，係。睇波睇……
苗：係好慢㗎咩？
以：一場好慢嘅波。故事裏面嘅Quidditch係……係好耐嘅，係……可以好快，可以好慢。
苗：哦，好……好耐！好耐。但係個……應該都好快……即係啲人會郁得好快，但係個時間好長啊，係咪啊？
以：又啱，你又啱。即係啲事發生得好快，噉但係……
苗：係，好多嘢。
以：成場波可能勁耐先完。
靳：個波都飛得好快嘅，好似就。
苗：係啊。個波自己飛。
以：都係。因為佢要捉到嗰個金探子，先可以完㗎嘛，好似。係喎，你啱喎。所以快同短係分開嘅兩個概念。至於睇大選，就係慢啦，應該係。喺度係噉講啦，幾條友係噉喺度討論啦，討論咗……唔係，一……一直睇住個電視下面嗰度，會彈咗：啊，呢度開票，嗰度開票，噉樣彈出嚟嘅。噉但係佢真係有片嘅時候，就係唔知勁耐先播一條片囉。
苗：哦，通常係佢會有幾個人噉樣，啲唔知咩專家啦，一係就直頭係候選人啦，或者係啲前議員啦，或者係啲其他地方嘅……
以：好多前黨魁啊，係啊。
苗：或者係其他議會，即係譬如蘇格蘭嘅話呢，就會係可能係蘇格蘭議會嘅議員嚟講兩句啊，之類嘅嘢囉。
以：係囉，又會咁鬼多人捉咗去電視台嘅？係咪唔係選緊嘅政客呢，全部一窩蜂噉樣去晒倫敦嗰度，去……或者去電視台嗰度。
靳：去講嘢。
苗：嗱！你睇嗰個版，就係去倫敦嘅。我睇個版呢，就係去加拉斯哥嘅，OK？
以：嗱，我睇兩個版嘅。有一個版呢，就係去北威嘅。係咪啊？我都唔知喎。
苗：哦。呢個係……係咪呢個威爾斯文版嘅廣播啊？
以：我有睇威爾斯文版廣播啊。
苗：你哋好好囉！你哋嗰啲係真係有電視睇㗎囉。呢個……哎啊，bingo，攞你哋bingo sheets出嚟。即係隔一……一集，又講。
以：上次已經bingo咗喇。
苗：Gaelic版嗰個廣播呢，係冇電視睇㗎囉，要聽收音機㗎。
靳：吓？收音機節目嚟㗎？
苗：佢係喺嗰個電台嗰度播㗎。係啊，即係budget少到呢，連個……連個佈景都冇啊。就噉聽收音機噉樣聽㗎咋。咩都冇得睇㗎。
靳：吓？噉Alba台播啲咩嘢啊？如果係噉樣。即係唔係播選舉啲嘢。
苗：嗰晚好似係冇嘢播。因為呢，即係呢個BBC Alba，就係……係Gaelic嗰個台呢，佢平時係夜晚播嘅，但係好似去到十二點，即係半夜，就會冇嘢睇。
以：收台，夜晚。
苗：朝早亦都冇嘢睇㗎，嗰個channel。其實係好少資源囉，即係比起威爾斯。
以：係吖，係吖。個觀眾羣細好多吖嘛。
苗：係啊，係啊。
以：得你明咋嘛，係咪？
苗：嘩，噉㗎咩？
靳：得你識，得你識睇㗎嘛。
以：大家可以聽返上一集，講有幾多人聽得明，或者有某程度上嘅Gaelic嘅能力，係啊。噉但係我睇……睇S4C，即係威爾斯文台，就真係好多嘢睇嘅。即係某程度上係有啲悶，因為佢係好focus喺佢本地嗰啲……嗰啲選區囉。噉都make sense嘅。
苗：噉梗係啦。
以：噉但係因為佢哋選區少過全英國好多吖嘛，噉所以佢講嘢嘅比率，就比起譬如BBC係更加高好多囉。即係大部分時間都喺度齋講，之後間唔中先開一個票噉樣囉，畀你睇。
苗：係。冇乜片睇，係。
靳：個feel就更加慢嘞。
以：係啊。噉但係佢下面有啲graphic，噉可以睇到佢威爾斯裏面嘅選區有幾多個去咗咩黨噉樣囉。噉佢會畀晒威爾斯同埋全英國你睇，噉同埋又可以睇佢啲黨嘅唔同嘅名啦，有唔同嘅縮寫啦，係啦。
苗：係啊。有啲咩特別啊？同英文比較。
以：咪就係改革黨冇……冇翻譯囉。
苗：冇翻譯。係啊，Gaelic都係呢……
以：同你個Gaelic一樣，係啊。
苗：全部黨嘅名呢，都係有個……其實佢都直譯㗎咋嘛，佢就係譬如保守黨就……佢就用返Tory呢個名嘅，就叫做咩Pàrtaidh……咩na Tòraidhean，the Tories噉樣嘅。跟住即係其他嘅工黨啊、自民黨啊，佢都係直接譯返囉。但係除咗呢個改革黨啊，改革英國黨啊？係咪叫做。Reform UK。佢哋就就噉寫Reform UK。
以：英國改革黨啊。
苗：英國改革黨啊。
以：因為如果佢唔用英文嘅話，啲人會睇唔明囉。即係……
苗：投佢嗰啲會唔明。
以：佢哋啲選民呢，睇個顏色，又冇顏色喎。之後見到唔係REF喎，即係唔……唔識囉，係咪？唔知講緊咩啦。淨係識英文咋嘛，所以冇辦法啦。
靳：係慘啲嘅。
以：威爾斯文，佢哋保守黨係有個威爾斯文名嘅，Ceidwadwyr。係讀出嚟好好玩嘅一個字，係Ceidwadwyr，好多個w。

The rest of the transcript is available to Patreon members.