苗：嗰陣時有個中學老師呢，佢係好抗拒用所有嘅英文寫詞嘅。即係佢係教中文嘅，噉但係呢⋯⋯

以：係吖，係吖。

苗：佢係所有英文字有英文字母嘅嘢佢都唔講啊，即係佢「A4」呢，佢講「甲四」囉。即係「拎你哋嘅甲四文件夾出嚟」噉樣囉。

靳：甲四文件夾。

苗：佢「A4」都唔講啊，黐線㗎，真係，成件事。

以：你講「A四」都算⋯⋯你甲四⋯⋯

[jingle]

以：歡迎返到嚟《絮言・狂想》第六十六集，我係以色列。

苗：我係三苗。

靳：我係靳尼啊。

以：係啊，我哋啱啱傾「我哋開始緊」呢樣嘢呢，都已經傾咗好耐喇，所以我哋開始緊咗好耐啊。

苗：開始緊咗。

以：好似唔可以喎⋯⋯

靳：開始緊咗。

以：唔可以講。

苗：開始緊完喇。

以：我哋開始緊完喇。即係我哋⋯⋯我哋開始咗好耐又唔make sense喎，開始咗好耐即係你已經開始咗啊。

苗：係啊。

以：然之後過咗一段時間。

苗：Has been starting⋯⋯had been starting係點譯啊？

以：係囉，我哋啲系統好似表達唔到呢個意思啊，我哋喺呢個開始緊嘅狀態好耐。

苗：要加好多字囉，你唔可以淨係用嗰個⋯⋯嗰啲文法嘅嘢去表達，你要加多啲實詞啊。

靳：我哋一路都開始緊。

以：係啊，斯拉夫表示輕鬆，zaczynaliśmy，我哋開始緊。歡迎大家嚟到呢個星期三嘅晏晝啊，即係喺香港就夜晚喇，我哋罕有地喺星期三度錄啦，係啊，我嘅感覺好唔同啊吓，啊三苗放假喇，有咩感覺啊？平日放假都捉你嚟錄podcast。

苗：冇啊，hea囉。其實唔係啊，去咗好多地方啊，其實唔hea，仲辛苦過返工，行好多路。

以：真係慘。

靳：真係慘，真係慘。

以：你唔鍾意行路咩？

苗：行路，好啊，行路撚。

靳：行路有益身心啊。

以：行路好啊。

苗：屯門行返科大。

以：旺角行路返中大噉樣。你點解咁多路行嘅？

苗：因為去咗好多唔同地方囉，其實主要都係去自己周邊嘅城市去行下啲未去過嘅地方囉。有一個地方係因為睇咗Tom Scott一條片呢，走咗去⋯⋯走咗去參觀。

以：可唔可以簡介下，我哋link啊。

苗：Show notes擺條link⋯⋯show notes擺條link畀返條片大家睇，係一個叫做Falkirk Wheel嘅地方，噉就喺Falkirk啦，噉佢係好神奇嘅。佢係呢，有條運河嘅，嗰陣時，但嗰條運河呢，係有兩橛，佢係喺唔同嘅高度喎，噉你點樣將架船由低嗰橛去高嗰橛呢？平時就係有嗰啲唔知閂咗個閘，跟住個水又會升高，然後開返個閘嗰啲㗎嘛。即係平時係有一級級㗎嘛。

以：係吖。

苗：但佢嗰級係好高嘅，幾層⋯⋯即係都幾層樓高嘅，噉佢點樣呢？佢就係用一個⋯⋯點樣形容呢，好似摩天輪噉嘅物體，但係佢摩天輪得兩格嘅啫，就係一百八十度，即係對面對住嘅，噉佢就係⋯⋯

以：Uh huh。

苗：你架船喺下邊駛入去，佢就閂咗個閘啦，然之後佢就好似摩天輪噉轉轉轉轉上去囉，然後再開個閘佢就可以上⋯⋯即係好似升降機噉樣，但係佢係摩天輪噉樣⋯⋯嘅形狀。

以：哦～

靳：～

以：咁好玩嘅？即係會轉嘅升降機。

苗：係囉。

靳：即佢係一個畀船用嘅摩天輪形嘅升降機。

以：而家仲有冇運緊㗎？

苗：你可以噉講囉，佢可以裝好多嘢，跟住佢⋯⋯佢講到呢，好神奇嘅就係佢需要用嘅能源係好少嘅囉。因為佢唔直接將架嘢升起吖嘛，佢唔係直接將個好重嘅嘢升起，佢係上面同下面都好重，噉所以你只需要向⋯⋯反而係向橫噉推一推呢，佢就會成個噉樣⋯⋯

以：推一推。

苗：噉樣轉囉，因為佢上面有個weight吖嘛。

以：啊～即好似碌落山嘅感覺。

苗：係喇，佢上面有個weight下面又有個weight，佢就可以balance噉樣囉。佢就話⋯⋯佢好搞笑嘅佢個比喻就係：只要可以煲八個熱水壺，噉就可以畀成船人都飲到茶喇，噉樣囉，佢用呢個比做比喻喇。

靳：嘩。

苗：即係佢個水⋯⋯

以：八個熱水壺成船人？

苗：即係佢喺煲八個kettle嘅電量就得喇。

以：哦，okay，你講個電量。

苗：就可以餵⋯⋯餵全船人飲茶喇。

以：嘩，耶穌嚟㗎喎。

苗：係啊，只需要用50p嘅電量，好平啊，就可以推得喐成架船。

以：但係而家有冇運緊㗎仲係，定係純粹畀人睇㗎咋？

苗：佢應該係⋯⋯佢係真係work緊嘅，係啊。

以：係。

苗：但係佢同時都有啲tour噉樣囉，就可以畀你去上去體驗下。

以：你有冇得上去畀佢轉上去㗎？

苗：有啊，你⋯⋯佢就係搭㗎船，然之後入去，然之後就轉轉轉轉上去，然之後就⋯⋯再去嗰度兜個圈返返嚟噉樣囉。

以：哦～

靳：哦，即係你真係搭咗架船，跟住真係用咗嗰個升降機。

苗：係啊，好得意啊，成件事，升到上去就睇到成個鎮。

以：但上面都係⋯⋯係咩嚟㗎？都係一條河嚟嘅咋喎？點解會有條高嘅河，我要睇下地圖先。

苗：上面佢都係一個運河，因為佢係⋯⋯佢係⋯⋯你當係一個山噉樣囉。

以：啊下，哦。

苗：然之後佢上面又有河，下面又有，噉佢點樣連接，佢就係靠呢嚿嘢。佢好似話以前一九三零年代係work嘅，但我唔知係用咩原理囉。佢就話之後就冇⋯⋯冇用到喇，就斷開咗喇，跟住之後二千年⋯⋯大概二千年嘅時候就開返呢嚿，嘢噉就可以連接返呢兩⋯⋯兩part囉。

以：哦，幾好吖，可以運下啲嘢。

苗：係啊。

以：好鍾意運河啊。

苗：運啲河好⋯⋯噉咪⋯⋯運去邊啊，將條河？

以：將條河運去大西洋囉。

苗：哦。

靳：混落個海度。

以：愚公運河。

苗：新奇是橙，蘇彝是運河。

靳：蘇彝是運河。

以：喂，哦⋯⋯你講起會轉嘅升降機呢，點解我哋講升降機⋯⋯我哋講𨋢㗎嘛。我諗起我去嗰個paternoster嗰個升降機啊。

苗：哦～

以：你哋應該睇過片啦。

靳：啊，知道啊。

苗：呢個叫做「我哋老豆升降機」吖嘛，喺show notes擺返條片先。有時喺網上都見過嘅，就係⋯⋯佢會⋯⋯佢一架𨋢噉樣，但係佢冇門嘅，你就係⋯⋯佢不斷喺度轉，不斷喺度升降，噉你就係要揀啱個時機跳上去囉，跟住或者落落嚟噉樣囉，好危險啊，望落去，好驚喎。

以：嗱，個貼士係你跳落去係輕鬆啲嘅。

靳：係。

以：你唔好向上跳，係好危險嘅。

苗：噉又係，跳落去。

靳：哦okay，都明嘅呢個，係。因為你棘親就好危險喇。

以：係喇，阿三苗啱啱講呢個咩⋯⋯咩我哋嘅⋯⋯

苗：我哋老豆⋯⋯我哋老豆升降機。

以：我哋老豆𨋢⋯⋯paternoster⋯⋯

靳：我哋老豆。

以：你知唔知點解噉樣叫啊？畀三秒時間大家諗下。呢個唔係《思源》嚟嘅，但係可以當係。

苗：迷你《思源》啊。

以：迷你《思源》。

靳：我已經知係咪可以⋯⋯係咪唔可以開估㗎？

以：你開估啦，我哋過咗三秒喇已經。

靳：咪係啲人愛嚟念經時候用嗰啲念珠？

以：係啊，因為佢哋係一串成串好多個珠，噉之後佢哋一到念經嘅時候，就會喺度念一次就捽一粒珠噉樣。

苗：喺度⋯⋯喺度捏佢⋯⋯

靳：捽捽捽捽捽。

苗：喺度⋯⋯捋⋯⋯捋佢啊。

以：捋佢。

苗：喺度啲珠。

以：呢個字我都唔識寫，係咪⋯⋯呢個啊。

苗：好有暗示啊，捋⋯⋯捋粒珠。

以：喂，係喇。喺⋯⋯喺度捋，噉之後⋯⋯

苗：即係天主教嗰啲吖嘛，嗰啲咩《玫瑰經》嗰啲啊。

以：係，天主教嗰啲啊，因為我都係⋯⋯我阿妹讀天主教學校我先識呢啲嘢咋，之後就⋯⋯係囉，會兜咗個圈返返嚟噉囉，因為係一串，所以⋯⋯

苗：係，所以就嗰個升降機就不斷係loop嘅，所以就叫做，即係paternoster。

以：係啊。

苗：但點解叫paternoster呢？即係因為佢本身Pater noster就係⋯⋯老豆啦Patern就係，father嗰個字啦，noster就係「我哋」⋯⋯「我哋嘅」啊係咪啊？

以：係啊。

苗：噉所以我哋嘅老豆啦，就係上天喇，就係神喇，我哋嘅老豆。

靳：係我們在天上的父。

苗：我們再天上的父，係喇。

以：呢個係基督教版嚟嘅。

苗：噉呢個基督教版呀？

以：天主教係？

苗：天主教版點叫？

以：我們的天父，okay。

苗：唔知啦，總之嗰啲嘢啦，噉即係呢個傳統文嘅第一句啦，噉所以就噉樣叫咗呢一個噉樣嘅升降機喇。

靳：咩啊，天主教咪又係基督教。

苗：啱啊。呢個另一個⋯⋯另一個問題。

以：呢個語意嘅問題，香港嘅用法就唔同嘅。

苗：天主教⋯⋯你天主教定基督教㗎？你係⋯⋯你係穆斯林定係遜尼派嘅？

以：係啊，但係，係囉，重點就係佢嗰個𨋢呢，我哋啱啱好似唔記得提啊，即係佢點解係兜緊圈呢，就係因為佢喺左邊會升上去啦，升到頂之後會郁去⋯⋯打橫郁去右邊落返嚟，之後再喺底呢，就打橫郁去左邊噉樣兜一個圈囉。

苗：其實都係摩天輪噉嘅概念。

以：係囉，其實就係噉囉。我哋嗰陣時特登係喺度望住佢數有幾多架，好似有十二格啊，我哋數咗。

苗：哦。

以：十二格就不停噉轉囉。

苗：哦，但係佢有冇啲機關⋯⋯即係啲緊急停嘅機關啊？

以：我應該up我條片，我有條片就係我去搭嗰個升降機，噉嗰陣時我擺咗story啫，我應該再po過。我係喺Stuttgart嘅時候搭咗呢個，因為佢哋個town hall呢⋯⋯

苗：哦～

以：係有呢個升降機，有兩個𠻹嘅，噉我同我朋友呢，喺嗰度玩咗好耐，喺度煩住啲做緊嘢嘅人囉。我哋喺度望住個升降機啊，又影嘢啊，又跳上跳落啊噉樣，係啊。我唔記得有冇緊急停嘅掣，但應⋯⋯我估應該有掛。噉但係佢冇任何其他嘅安全措施囉，真係完全⋯⋯

靳：即係話，或者有人真係夾親，佢會唔會停呢，我就係喺度諗緊呢樣嘢，成日都係。

以：你去試下。

苗：試下夾。試下畀佢夾。

以：Only way to find out。

靳：我一行到去嗰個位我已經會觸發咗啲強迫嘅諗法呢，跟住我就會唔敢上去囉。

苗：哦嗰啲好想⋯⋯

以：吓，真係會㗎？

苗：Intrusive thought下話？

靳：Intrusive thought，係啊。強逼的思想，強迫嘅思想。

苗：嗱我而家將隻手擺喺度就可以⋯⋯

以：咩類型嘅intrusive thought啊？你會有衝動做啲咩啊？

靳：唔係，我就會有個諗法，就係我會唔會夾親呢，噉樣囉。

The rest of the transcript is available to Patreon members.