生日做咩好？梗係去蘇格蘭睇牛牛啦。

【粵文字幕】下面足本版

Wise低價國際轉賬，首次免手續費
VOXI：無限社交媒體、無限睇片嘅平靚正電訊商
brsk光纖入屋，終於擺脫英國龜速上網
Big Brother is watching，去到邊度都要保護自己！買兩年NordVPN，即送4個月！
同我學外語
送你US$10搵老師學語言

嗱，到底係韮菜定係水仙定係葱呢？試一試就知喇，大不了咪入廠。聽講好多人入廠喎。NHS幫到你。係，NHS幫到你。每年畀咗幾多鎊啊？我哋。

早晨啊，而家係朝頭早八點半，我喺曼城啦。我手上嘅呢，就係烏龍。Say hi！哦，睇唔到。係嘞，噉呢，今日呢，就係我女朋友生日啦。噉呢，我就要晨早流流呢，搭火車剷上去格拉斯哥。係啊，去蘇格蘭度揾佢嘞。噉最大問題就係咩呢？就係今日火車罷工，所以好似好多時間調動，噉就睇下點啦，希望有車搭。

嘩，乜呢個巴士站咁鬼難揾嘅？仲要呢，我啱啱呢，喺嗰度出咗嚟啦，噉但係為咗過馬路呢，就一直行行行，行到嗰度啦，過馬路啦，等咗好耐燈呢，之後先行到返嚟巴士站，所以變咗就追車尾嘞，唉。

就係因為罷工呢，我架火車已經取消咗啦，之後我要遲大半個鐘出發啦，噉然之後我接駁嗰架車呢，都已經delay緊喇，所以真係祝我好運喇。

到咗喇！歡迎大家嚟到蘇格蘭嚕！呢度成日有部琴呢，啲人彈啲好funky、jazzy嘅嘢。

好啦，噉我擺低咗行李喇。而家呢，就嚟到呢一個郊野公園啦，叫Pollok Country Park啦。噉其實大部份呢，都係得個行字嘅啫。但係呢，嗯，陣間可能有啲得意嘅嘢睇下。

好似Hagrid嗰間屋仔啊！佢會唔會出嚟㗎？

係咩嚟㗎？水仙嚟㗎咩？水仙唔係要喺水入面種㗎咩？係囉。我淨係 — 我唔知喎，葱囉，你攞一樖返去食囉。會唔會係有葱喺度？點解唔會啊？食完之後種咗喺度。呢個係人哋祕密嘅農田嚟嘅，所以。係啊 — 就噉喺路邊。

你屋企有雀巢㗎？我屋企有燕子巢。電子巢？ — 燕子巢。哦，燕子巢，屋企裏面呀？唔係啊，喺屋企門口啊 — 哦。咩啊，有燕子過嚟築巢係好㗎嘛。燕子巢梗係細啲啦，佢哋係咩咩口水嗰啲吖嘛 — Yup。呢啲係……我都唔知咩巢，唔識啊。有冇啲…… — 噉你又知唔係蜂巢？因為蜂……因為蜂巢係……黃色㗎嘛，唔係咩？唔係㗎？你係咪睇電視睇得太多？我係咪睇得Winnie the Pooh睇太多啊？好容易知㗎啫，嗱，你篤一篤佢呢，你就知㗎喇。我派你上去，拜。我唔夠高啊。

應該差唔多到，我諗。過一兩個街口，就係我哋嘅重點目的地。

為咗牛牛，行咗半粒鐘，點知……

你要引佢啊！哈囉！噢。你係佢啲friend嚟㗎喎 — 咩friend？你係牛牛嘅最好朋友，你要用你嘅友情嚟到引佢。你同佢講：我好熟你嗰個kind㗎。可唔可以穿入去㗎？定係隔開？你試下吖，我有啲驚啊。應該隔開咗喎。我記得我上次睇highland cattle嘅時候都係隔開㗎。嘩，佢好努力噉樣引緊佢過嚟。佢咳究竟係引緊佢過嚟定係真心咳㗎？ — Oh my god，佢原來揦住啲蘿蔔，想透過十萬八千里外噉樣引佢嘅注意力。鬥牛都大塊過呢個啊，真係。喂，佢睇唔到啊，大佬。近視囉，應該。佢……但係佢好興……佢好熱情噉樣做緊呢件事喎，你明唔明？應該……應該真係帶塊紅色布去fik囉。噉就有……可能有機會有效囉。攞成支紅色旗襯…… — 跟住就去NHS喇，係咪？我可……我哋可以喺度幫佢call 999。係咪999㗎？好似係。係啊，冇錯。

失望之下，我哋轉場，去觀鳥。

好凍啊，點解呢度咁凍嘅？我以為會熱啲 — 因為喺郊外囉，你由市中心出咗嚟野外。佢好似隻雞噉喎，趷趷下噉行㗎。你唔好噉樣話佢啦，人哋雀嚟㗎。咩啫，雞都係雀嚟㗎 — OK。

可以同佢harmonise喇。好consistent啊。你可以好似IG嗰條友……我知啊，我知邊個啊。但係佢……呢個太容易喇。IG嗰啲係……噉樣㗎嘛。IG嗰啲係Cardi B。

潛水鏡啊！唔係，嗰啲叫咩啊？潛望鏡呀？ — 我唔知啊。潛望鏡啊 — 我知你講緊咩，但係我唔知佢叫乜嘢。應該……真係唔記得咗呢啲。《兒童的科學》嗰陣時學㗎。點解你可以睇咁多《兒童的科學》，oh my god。因為我睇咗好多年《兒童的科學》囉。我睇《讀者文摘》㗎。

點解鏡頭睇唔到佢嘅？啊，見到喇。咩雀嚟㗎？有冇專家可以講畀我知？佢句句都唔同㗎喎，之前嗰個係句句都一樣㗎嘛。係啊，CCCC。

正當我哋疊埋心水返屋企嘅時候……

嗰兩隻細㗎？我唔知喎，睇落去唔似細啲咩？係喎 — 我知佢遠啲，但係……我知你想講呢個㗎喇。唔係啊，我爭啲想講，但係我知道應該唔係。望落去都係細啲，雖然遠啲。你對眼應該識得調節㗎嘛。係啊，噉我覺得後面嗰啲細隻啲囉 — 你對比到，係啊，後面嗰啲係細隻啲。佢哋好chill啊。佢哋真係唔怕凍㗎，應該，係咪啊？好多毛啊 — 啊，好凍啊。係啊，我哋而家打晒冷震喇，已經。隻手呢，郁唔到喇。

Oh my god，好近喎，佢真係就嚟行到埋嚟河邊㗎喇。點解會噉嘅？點解我哋入嚟嘅時候見唔到嘅？因為佢入嚟嗰陣時，佢唔喺度囉……我哋入嚟嗰陣時，佢唔喺度囉。點解入嚟嘅時候，佢哋唔出嚟？佢哋喺第二度食緊草。佢做緊咩，佢喺度……

使乜睇牛啫？睇我咪得囉。