苗：係喎，「螺絲粉」掉轉就變咗fusilli⋯⋯調下調下啲字母
靳：乜嘢啊？
以：黐線。
靳：一個abjad嚟㗎，嗰個。
以：呢個係咪verlan嚟㗎？Verlan。
苗：L-S-F，變咗。你將嗰個變做Triconsonantal root，再⋯⋯再掉轉佢就會變咗做fusilli。
靳：呢個係乜嘢？
以：黐線。Coincidence? I think not. 嘩不得了。
靳：同源喇，同源喇。
苗：嘩，好黐線喎。原來呢，中文嗰個維基佢都有話呢，如果你要揀⋯⋯即係睇柳州個螺螄粉，佢話呢個條⋯⋯條目嘅主題唔係「螺絲粉（gemelli）、螺絲粉（fusilli）或螺絲粉（rotini）。三隻唔同嘅意大利嘅⋯⋯嘅pasta都係叫「螺絲粉」，譯做。
以：所以意大利文咁鬼難囉，就係因為佢有太多唔同嘅pasta名，學極都學唔晒。
苗：即係好似嗰啲有啲語言呢，就係好多雪嘅名，好多冰嘅名，意大利就係好多pasta。
以：Except呢個係真⋯⋯真嘅，真係有太多pasta名，呢個唔⋯⋯
苗：你知唔知啊，意大利有一千個字係解意粉㗎！
[intro]
以：歡迎返到嚟《絮言・狂想》第六十三集，我係以色列。
苗：我係三苗。
靳：我係靳尼啊。
以：啊，我聽落你嗰度有好大個delay，係咪真係你⋯⋯你聽我有個delay所以⋯⋯變咗隔咗幾秒鐘先講？
苗：可能係啊。因為我會見到你嗰個畫郁先，然之後過零點幾秒你先有聲囉。
以：哦，讀唇吖？你唔識讀唇咩？
苗：我唔識㗎。
靳：唔係啊⋯⋯我⋯⋯我係專登講快咗㗎。
以：即係你個唇郁完之後你先⋯⋯你先講個聲出來噉呀？
靳：唔係佢⋯⋯佢未講完我就開始講喇。
以：哦～okay，要醒目⋯⋯
苗：哦～
以：嗱識玩喇。
苗：即係你預計佢會講完先吖嘛。
以：好似我喺網上同人哋夾音樂噉樣啊，要預計佢早啲定點樣。
苗：嘩，好難喎呢個。
以：係啊，係基本上冇可能嘅，但係可以夾硬嚟。
苗：係囉，冇可能㗎喎，你兩邊都有delay𠺢嘛？
以：有一邊一定會慢啲嘅，係啊，你可以一邊就另一邊囉，係咁多。
苗：係，係。
以：話說我有個朋友佢讀唇好叻㗎，即係香港人啦，噉之後，佢話原來因為佢中學嘅時候呢，成日喺度同朋友傾偈。上堂嘅時候呢，唔敢出聲呢，就偷偷哋喺度淨係用個唇嚟到傾偈囉，所以呢，就變咗讀唇好叻喇。之後有一次我同佢喺倫敦搭地鐵呢，噉因為地鐵好鬼大聲𠺢嘛，倫敦。噉我就⋯⋯我哋就個個塞晒啲降噪嘅耳機啦，噉之後就講唔到嘢啦。
苗：哦～
以：即係⋯⋯即係就算冇降噪都講唔到，因為真係聽唔到人講嘢。
苗：好勁啊。
以：之後佢係完全溝通到囉，係啊，即係突然間大家變晒聾人，之後⋯⋯
靳：你不如打畀佢啦。
以：打？咦，都唔得囉，因為會收咗啲噪音入去個咪度囉。
苗：叫佢學手語。
以：佢唔使囉，佢真係完全可以睇⋯⋯我唔出聲佢都知我講緊咩。所以⋯⋯
苗：好犀利啊。
以：係真係訓練嚟嘅。
靳：犀利。
以：但係我就唔得囉，我咩語言都讀唔到唇啊。
靳：手語都唔得㗎，如果架車太逼嘅話就得唔得㗎喇。
以：倫敦應該就未至於⋯⋯
苗：如果你哋約下一次見呢，唔好揀星期一或者星期日喎，噉就會約錯啊。
以：我哋就⋯⋯就唔需要喺火車上面⋯⋯
苗：要講英文。
以：約嘅，可以係落車之後約嘅。廣東話成日都係噉㗎啦，有時啲嘢聽唔清楚就用英文嚟到⋯⋯
苗：係定唔係就yes/no嘛，變咗，我屋企人都會噉。
以：係啊我，媽永遠都係噉㗎。Yes or no⋯⋯你屋企人都係呀？
苗：係啊，即係佢會⋯⋯會有時聽唔到「吓咩啊？咩食定唔食啊？跟住佢就會「no」噉樣或者「yes」噉樣，變咗。
以：係啊，好崩潰啊，點解要靠英文啊，真係。之後，譬如話我前排睇我哋個朋友喺YouTube教語言啦⋯⋯
苗：哦～
以：噉之後佢有時呢，解釋啲嘢都用英文嚟輔助。
苗：點樣⋯⋯點樣輔助法啊？
以：譬如話佢話呢個字喺廣東話就係⋯⋯呢一個意思喇。
苗：哦！
以：噉但係可能⋯⋯
苗：即係邊一個字。
以：佢冇個語境呢，人哋分唔到係邊一個廣東話字啦，之後佢就用英文嚟輔助囉，係囉。
苗：哦，我諗呢個都幾種方法嘅。
以：其實你可以話，啊譬如話係⋯⋯
苗：你可以配詞，你話⋯⋯
以：係啊。
苗：獅子個獅⋯⋯
以：螺絲粉個絲。
苗：螺絲粉個絲。
以：邊個螺絲粉先？
苗：zung1 zi2個zi2囉.
以：啊，喊出嚟。
苗：係囉⋯⋯嗰陣時係我哋睇我哋某日個朋友就教泰文嘅文字啦，噉佢其中有一個例子呢，就係嗰個字嘅意思係「角度」啊。佢講完「角度」呢個字之後呢佢就諗一諗「咦 ？會唔會人哋get錯係『國度』呢？」噉因為有啲人⋯⋯即係呢兩個係唔分𠺢嘛，噉佢就補一句就話「哦，係angle嗰個角度」，噉樣囉。
以：真唔係angel嗰個國度、權柄、榮耀。
苗：嗰個angel⋯⋯點啊，呢個係。
以：呢個雙語唔知咩gag嚟嘅，sor。
靳：唔會係angel嘅，因為Angel放咗假啊。
苗：喎～
以：呢⋯⋯呢個跳到幾遠。好，講開用英文呢話說呢，我哋上次好似又喺度玩嘢啊，即係⋯⋯又唔係真係咁好笑嘅，但係純粹係我哋有個藉口畀我哋⋯⋯玩下啲唔同嘅嘢啦。
苗：我覺得唔算係咩好唔好笑嘅。
以：係囉。
苗：因為有好多人覺得愚人節一定要整蠱人，噉我覺得又唔算係整蠱嘅，即係一啲比較好玩嘅嘢囉。即好似Google呢，以前⋯⋯佢哋好多年都會搞一啲，即係擺明係假嘅project𠺢嘛，就即係當大家一齊笑下噉樣囉。
以：嗰啲係真係好笑嘅，我哋呢個就唔知有咩好笑。我覺得我哋今年2024啦，畀返個context。
苗：Fun囉，又冇話好笑。
以：我哋呢個愚人節嗰集就係⋯⋯係囉，fun囉。同埋⋯⋯
苗：上一集啦，即係。
以：有一個好笑嘅位嘅，就係我哋大家都唔承認我哋講緊英文囉。純粹就係話「咦，你講嘢唔同咗喎」但係又唔知點解唔同咗呢，噉樣，呢個就係好玩嘅地方。
苗：係，你哋大家就要⋯⋯大家就要去聽下。
靳：直情係冇提起到我哋講緊英文囉，就係。
以：好細心噉樣聽下，有咩唔同呢？
苗：有咩唔同？少少啫。
以：可能我哋講嘢嘅方式同平時講廣東話係唔同咗少少，有啲音歪咗，噉樣。
苗：啱啊。
以：歪到去變英文。
苗：歪咗少少啫。
以：歪咗少少變咗個普通話。
靳：啲口音唔同咗，亞熱帶口音變咗溫帶口音。
以：係喇，噉唔知大家聽落覺得好唔好玩呢。好似三苗話，係咪啊？成日有人想知我哋講英文係點樣嘅，即係我就好明顯有好多片啦，噉但係⋯⋯
苗：其實冇人想知嘅，係如果有人想知，可以指佢哋去聽。
靳：有人想知嘅咩，其實？
以：有⋯⋯萬一有人想知，係喇。或者可以去聽阿三苗上呢一個Because Language嗰段。
苗：嘩，你噉都挖返出嚟講。
以：係啊，我哋link畀你聽下先。
苗：喂唔好噉啦。
靳：幾耐之前啊，嗰段嘢？
以：我有sync到啊嗰集，喺我個app裏面。
苗：你係真係嘉賓嚟𠺢嘛。
以：我係嗰個十分鐘嘅嘉賓，唔係嗰一集嘅嘉賓。係啊，噉所以如果大家有好奇過到底三苗同靳尼講英文係點嘅呢，而家就知喇。係喇，三苗係冇蘇格蘭口音嘅。
苗：反而呢，更加有用嘅就係畀啲唔識廣東話嘅朋友去⋯⋯終於可以somehow感受下我哋個⋯⋯我哋個節目。
以：係咪？呢個係個taster，我哋叫。即係「哎呀，對唔住啊，你唔可以聽《絮言・狂想》喇，但係你可以聽下呢集嘅。
靳：即係我可以唔識廣東話都聽《絮言・狂想》。
苗：你想繼續聽就學廣東話。
以：哦，okay喎，畀三個月你。
靳：你就要學喇。
苗：即係好似嗰個試用版噉，三個月試用版。
靳：跟住你三個月之內學識咗之後你就可以聽喇。
以：三個月之後我哋應該都係出咗兩集啫，可能。
靳：噉即係要出多集㗎喇喎？
以：係咪啊？我冇⋯⋯我冇數住喎，我哋今年都比較出得慢啲。不過真係成日出現嘅，因為⋯⋯即係我喺英國同人講做podcast嘅時候呢，佢哋話呢「唉，我去聽下先，你podcast叫咩名呀？」之後我就話，唉⋯⋯
冇：冇話唔聽得嘅。《絮言・狂想》噉樣，你試下打落去。
以：我哋而家加咗個粵拼，「seoijin」呢個粵拼後面就好少少，可以search到，at least，佢哋唔需要打中文字。
苗：係啊，我自己都容易search咗，係啊，我試過喺人哋嘅電話度search呢，係真係搞唔掂，完全打唔到任何中文字嘅，佢哋。
以：噉佢哋都聽唔到㗎啦，係咪啊？定係佢哋識聽唔識寫啊？
靳：又好似啱喎。
苗：起碼可以見到有，然之後撳嚟聽下，聽幾秒，跟住「哦」，跟住就算。
以：愛嚟刷view啊係咪，畀啲click我哋。
靳：噉但係真係有啲人學廣東話係未學漢字住㗎喎。
苗：係啊。
靳：噉佢都要搵到㗎。
以：都的確係啊，有唔少人都係淨係識講啊，可能有啲係講到好好添嘅，都唔識中文字。
苗：應該最大嘅群體咪就係嗰啲heritage speaker啊係咪啊？
以：係吖。
苗：即係佢哋屋企人識講，但係從來都冇學過寫字嗰一班。
靳：係吖。
苗：佢哋又會⋯⋯即係可能程度其實都唔係話好低嘅，佢哋會聽得明我哋講嘢嘅，但係就唔識寫囉，就⋯⋯所以就搵唔到我哋囉，會變咗。
以：都係喎，噉可以幫佢哋搵到啊，畀個「seoijin」呢個⋯⋯
苗：係啊。
以：拼音佢。
苗：起碼搵到囉，呢個關鍵字。
以：係啊，係啊，係啊，所以好事嚟嘅，大家同朋友介紹《絮言・狂想》嘅話，可以用呢一個拼音啊，「seoijin」，就噉。冇聲調嘅，因為我哋跟返呢個偉大祖國嘅傳統呢，將我哋嘅語言英文化嘅時候呢係抌晒啲聲調。衰⋯⋯衰煙，噉樣。好，噉我哋⋯⋯我哋入返正題啦，上次⋯⋯係喇，我哋用英文討論到呢個口音嘅問題啦，噉之後⋯⋯當然我一兩個禮拜之後又出咗條片講口音啦，噉所以呢排都成日諗緊⋯⋯
苗：哦～
以：哦～係啊，大家睇咗未啊，快啲⋯⋯快啲撳我哋嘅link去睇。
苗：睇咗喇。
以：係⋯⋯靳尼你睇咗未啊？ 靳：可以見到以色列青澀嘅面孔。
苗：It’s a bit awkward .
以：你可以見到我面對住太陽擘唔大眼嘅面孔，因為我企咗喺呢一個⋯⋯係啊，威爾斯國會之前，之後就望住個海噉樣喺度拍片，就乜都⋯⋯擘唔大眼喇。
靳：你自己嘅光芒太耀眼喇，所以你自己都擘唔大眼。
苗：嘩。
以：會耀到自己㗎？你點發㗎，呢個光？
靳：唔知啊，可能對面有啲鏡掛，唔知。

The rest of the transcript is available to Patreon members.