榮：真係有好多香港人，呢個係理所當然嘅，但係佢哋就不嬲講廣東話好似感覺就覺得冇人⋯⋯

苗：哦，冇人識聽。

榮：識聽，係啊係啊，但係有⋯⋯有人識聽。

苗：你埋去shock native。

榮：啊，但係我⋯⋯

以：呢個係咪我哋嘅running joke嚟㗎？

榮：我係冇⋯⋯乜嘢都冇講嘅，但係我會旁聽就覺得⋯⋯

苗：哦～

榮：Hoho，你哋而家講緊啲咩啊？嗯，好特別。

苗：正。會唔會有人講你壞話啊，見到。

榮：冇，但係佢會講其他人壞話，可能見⋯⋯

[jingle]

以：歡迎返到嚟《絮言・狂想》特備節目，係喇，噉呢，我哋今日同平時更加唔同嘅，即係有時呢，我哋會有嘉賓上嚟吖嘛，噉但係呢個已經係超越咗請嘉賓嚟同我哋傾偈嘅境界喇，係我哋⋯⋯直情同我哋兩位朋友呢，互相做對方嘅嘉賓，所以今日呢，冇邊個係主持，今日大家都係嘉賓。

苗：所有人都係嘉賓。

靳：大家都係嘉賓。

以：噉呢，等陣先⋯⋯我哋就照舊講咗先，我係以色列啦。

苗：我係三苗。

靳：我係靳尼啊。

以：噉我哋係咪應該介紹下對方啊？

杰：係，我哋自己介紹啦，係啦，話晒我哋⋯⋯

以：係囉。

苗：好啊。

杰：都係主持又係嘉賓，我應該學埋你譯我個名做中文喎，通常我就係噉叫我係Raymond，噉我今日係⋯⋯咩啊，雷文⋯⋯我都唔知點譯啊。

苗：好啊。

以：雷曼。

杰：雷曼。吓，雷萬唔一樣啊？

靳：雷萬就唔好噉。

苗：唔老嚟喎。

以：唔好喇，唔好喇。

杰：仲有第五位

榮：係啊，我係Cameron，都係國榮。Cameron再粵語化嘅係咩啊？

以：我都唔知喎。

杰：Cameron呀？

苗：應該點樣叫你？

以：阿靳尼即時改個。

杰：我諗到個國家名喀麥隆。

苗：喀麥隆！

以：我淨係諗到我哋個首相咋。

靳：金馬倫囉。

杰：哦，係喎金馬倫喎，金馬倫喎，係喎。

以：我都話啦，一諗就諗到嗰個Cameron。

杰：我又插句嘴先，噉倒返轉喇，噉啊，我哋亦都係又係嘉賓又係主持啦，噉我哋今日就唔係《粵語白白講》喇，今日《粵語⋯⋯好多人講》啊今日。我⋯⋯我覺得呢個係一個好歷史性嘅時刻啊，五子一齊去做一個節目，好多技術性嘅挑戰我嗰度嘅。

以：主要係搵時間難啲啫。

杰：係。

苗：最難囉，呢個真係。

杰：最難。

以：唔知幾多個時區，呢度。

苗：呢度應該有四個時區囉，係咪啊？

杰：係喎，噉我哋不如都講下我哋⋯⋯係囉，喺邊度做緊啲咩噉啊，我哋四個時區五個地方𠻹啦，五地，係咪我哋？

苗：五個地方，係喇，四個時區。

以：咦。

苗：全部人都唔同地方。

杰：係啊係啊，噉樣講下我哋喺邊度做緊嘢。

以：係啊。

杰：噉我講咗先啦，係啱啱我呢度講開，我今日呢度身處地方好奇⋯⋯神奇地好多警車聲。噉呢，原本，我自己本身係喺加拿大溫哥華嘅。噉啊，我係老師啦，噉啊亦都係學生，噉但係呢，而家啱啱出差就去咗呢個密芝根州去開一個教學嘅會。噉我啱啱開完會呢，就走咗過嚟呢一個紐約市曼哈頓區探朋友。

以：哦～

杰：噉所以呢度真係好多警車聲，呢幾日。

以：哦，就係紐約特別多嘅，原來。

杰：係啊，真係。我唔知係唔係呢個地方定係時間性嘅問題，因為而家呢度遊客特別多啦，臨近聖誕前。

以：哦～好多人走去睇啲⋯⋯

苗：唔，都係喎。

以：市中心啊，曼哈頓啊⋯⋯

杰：睇燈啊，係啊，即係睇景啊。

苗：係，而家我哋係十二月中到囉，所以都⋯⋯都差唔多聖誕喇，即係好多人慢慢噉樣嚟緊⋯⋯如果係⋯⋯大家係目的係喺紐約度過聖誕嘅話。

杰：係囉。

以：好哋哋做咩去紐約呢？

杰：噉大家呢，你哋又身處何方，做緊乜嘢呢？

榮：其實我而家喺Ann Arbor讀PhD，但係下個禮拜就返去我嘅屋企，就係芝加哥。

苗：哦～

榮：係啊係啊，同屋企人過聖誕節。

苗：正喎。

榮：你哋呢？

以：即係Raymond正常佢就喺西⋯⋯西岸嘅。

杰：但係⋯⋯

苗：而家⋯⋯

以：噉但佢就去咗東岸。

杰：係喇。

苗：係咪兩個都係東岸啊？你係中間定係咩啊？

榮：其實Michigan算係東⋯⋯東部時區。

苗：東部時區。

靳：東部。

榮：係啊係啊。

苗：Okay。

以：Okay。

苗：哦，噉即係得三個時區啫。

榮：但係係東部時區最西嘅地方。

苗：哦。

以：就唔係同一個時區嚟嘅，死喇，我唔係好熟𠻹。

榮：就係同⋯⋯同芝加哥唔一樣，雖然都算係⋯⋯就Midwest。

以：Okay。

杰：係喇係喇。

苗：都係東部時區嚟嘅，係。

榮：東部時區。

以：哦～

苗：哦，噉原來係得三個啫。

杰：啊，我唔記得解畫喎，其實我啱啱都話我開會去密芝根啦，Michigan啦，噉就正係Cameron身⋯⋯身處嘅地方，真係咁啱嘅。噉所以呢⋯⋯

苗：哦～

杰：啱啱我都見完Cameron，係第二次真人見⋯⋯

榮：係啊係啊係啊。

杰：我哋食咗餐飯跟住又要分道揚鑣喇。

苗：哦～好神奇啊。

以：啊，喺⋯⋯喺網上開咗個podcast之後先大家去喺現實世界認識，咁熟面口嘅？

杰：係呢，好似似曾相識嘅故事，係咪啊？

苗：係咪可以講返⋯⋯

以：好似⋯⋯好似我都係冇幾耐前先第一次喺現實世界識阿靳尼啊。係啊，噉我⋯⋯不如我介紹下我認識嘅《粵語白白講》係乜嘢啦。

杰：哦，好啊。

以：噉我都有聽開啦，當然。噉我嘅印象就係，係一個畀廣東話學習者嘅podcast嚟嘅⋯⋯

苗：唔～

以：係咪？噉好多時候就會搵啲嘉賓嚟度傾一啲同廣東話有關嘅嘢啦，噉同埋經常都會有廣東話同英文雙語嘅，噉就⋯⋯我見你哋係會同啲嘉賓喺度係噉switch㗎喎，即係講一⋯⋯一條問題廣東話，一條問題英文噉樣，都好犀利啊。

杰：係啊，呢樣嘢都好⋯⋯即係點講啊，嘩，中文點講啊，都好organic嘅，即係好隨心噉樣去做⋯⋯

苗：唔。

杰：因為⋯⋯

以：吓，係呀，原來？

杰：係啊，因為顧名思義叫《Chatty Cantonese》，即係想自然噉樣去⋯⋯去⋯⋯去表達我哋諗緊嘅嘢呢，而家⋯⋯即係而家喺呢個語⋯⋯語言教育⋯⋯學個方面而家好流行講translanguaging，即係呢⋯⋯

苗：哦～

以：啊～

杰：一個誇語言嘅現象啊，即係我哋都想透過呢個節目去⋯⋯

苗：當年都學過。

杰：所謂實踐下啦，提倡下啦，噉。我諗呢個都係阿Cameron你嘅諗法。

榮：係啊，同我覺得我哋個嘉賓，其實佢哋就係同粵語嘅關係都唔一樣。

以：唔～

榮：有時佢哋係母語者，有時佢哋就係識講英文啫，但係佢哋對廣東話有特別嘅興趣。

以：哦～

榮：係啊係啊，同埋佢哋係⋯⋯就係各個地方嘅人，所以有時候佢哋係加拿大人，有時係香港人⋯⋯

苗：唔。

榮：有時係美國人，好多地方囉。

以：唔，我哋都經常想搵啲唔同地方嘅廣東話嘅人啊，但係就比較難少少，因為我哋⋯⋯一嚟我哋淨係廣東話啦，主要都係。

苗：係啊係啊。

以：二嚟就係，可能我哋講啲嘢會相對上係深少少。

苗：係。

以：因為我哋就唔想專注喺淨係講廣東話嘅嘢，我哋係想用廣東話講其他嘅嘢。

苗：係，因為呢一個⋯⋯我哋之前都諗過，究竟我哋個podcast⋯⋯究竟個定位係啲乜嘢，因為⋯⋯即係市面上其實都有好多講語言嘅podcast，但係通常佢哋都係一係講關於廣東話本身嘅嘢，或者佢係講⋯⋯可能教英文啊，或者呢一類噉嘅嘢，而唔係就噉睇語言本身呢樣嘢或者語言學囉。所⋯⋯所以我哋就想fill咗呢個⋯⋯呢個niche噉樣囉，因為⋯⋯即係有其他好多⋯⋯可能英文啊，甚至乎其他語言，瑞典文啊，德文啊，都一定有呢啲噉樣嘅podcast，但係我仲未搵到⋯⋯除咗我哋之外，我仲未搵到廣東話有啲類似嘅嘢囉，所以呢個就係我哋⋯⋯即係，類似想做嘅嘢噉樣。

杰：嗯，我都唔係誇張嘅，其實呢，你哋一開始第一集⋯⋯我記得我有聽過你第一集嘅⋯⋯

以：唔～

杰：即係一開始我發現咗你哋嘅podcast呢，嘩，真係覺得好似發現新大陸噉樣。噉樣係⋯⋯正如你所講你⋯⋯你填咗呢個空缺啊真係。

苗：係啊係啊。

杰：市面上冇用廣東話去講語言學或者你哋學習多⋯⋯多種語言嘅呢一個內容呢。

苗：唔。

以：唔～

杰：噉其實對於我哋教粵語嗰個教學上面都好⋯⋯好有幫助，因為我哋所謂教到⋯⋯

以：真係呀？

杰：高級水平嘅⋯⋯嘅內容嘅時候，我哋已經唔係淨係講教佢哋點樣講廣東話，而係真係要搵嘢嚟講⋯⋯

以：唔。

杰：搵一啲⋯⋯

苗：係啊。

杰：特別係⋯⋯我哋甚至有啲學生本身就係讀語言學啊，教育啊，語言啊各方面噉樣，噉我真係會介紹佢哋聽囉。噉同埋你哋都係⋯⋯我當初一個有啲啓發性嘅，我哋點解要做呢一個節目，即係聽⋯⋯哦，原來粵語做播客節目有咁多可能性嘅噉就⋯⋯係啦，所以今日其實我係⋯⋯都幾有壓力嘅，幾⋯⋯幾開心可以同你哋去⋯⋯咩，叫⋯⋯係咪叫聯成啊？Collab中文點樣⋯⋯點講？

苗：我哋就噉⋯⋯好似就噉叫crossover。

杰：係啊，crossover。

以：我哋translanguaging吖嘛。

榮：係啊，crossover，係啊。

苗：Translanguaging。

杰：所以非常之重要。

以：我哋平時啲嘉賓我哋會寫「客串」嘅，因為感覺好似地道啲係咪啊，「客串」。

苗：今日大家都係客串。

以：同埋friend啲。

靳：大家都係客串，大家都係嘉賓。

杰：係啊，係啊。我哋互⋯⋯互客串⋯⋯互串。咦，靳尼好似未介紹自己喎係咪。

靳：啊，係啊。噉我而家呢，就係呢度唯一一個喺香港嘅人啦，噉就又應該都係我個時區最難夾㗎喇，其實就而家已經係夜晚十一點幾噉樣嘅，噉而家都⋯⋯

苗：辛苦晒。

靳：臨近聖誕節啦，噉就⋯⋯其實而家就出面啱啱⋯⋯突然間凍咗，一個寒流嚟咗，噉所以都着多件衫。

The rest of the transcript is available to Patreon members.