香港人學英文,不嬲用breakfast、lunch、dinner稱呼早午晚三餐,最多學過supper作為dinner嘅同義詞。

但係隨住多咗香港人嚟英國做嘢,我開始有朋友察覺到,中午會有本地同事話食dinner,或者小朋友嘅學校稱午飯時間做dinner time,聽到一頭霧水。

唔通同日短夜長有關係?

原來唔係!

比較少接觸英國文化嘅人,可能對英式英語嘅印象,限於BBC新聞、或者國際著名英國演員嘅posh(上流)英文。

但係英式英文嘅地區變化、甚至方言嘅分別,比起其他英語國家,以及好多「大路」語言,都為之豐富。「晚餐」呢個詞,正正體現到由以前到而家,各種用法上嘅分歧。

以前嘅分歧

同美國唔同,英國社會裏面嘅矛盾、分歧,主要都係因階級而生。

Continue reading

上集講嘅北京冬奧啱啱落幕,二月底,普京揮兵入侵烏克蘭,造成一場又一場嘅人道災難。

全世界都非常關心呢場戰事,但係未必熟悉嘅係,原來語言同俄烏兩國嘅關係,息息相關。

點解總統澤連斯基,唔係以烏克蘭文為母語?講「基輔」定「基耀」,都顯示你嘅政治取向?點解戰爭一爆發,烏克蘭人紛紛喺網上表明以後唔寫俄文?俄文強勢之下,烏克蘭文點樣喺自己嘅國土復興?

今集《絮言.狂想》,同各位了解下語言對烏克蘭國民身份嘅重要性,而今次Patreon同Buy me a coffee上嘅收益,將會全數捐畀烏克蘭人道援助機構,希望大家多啲分享呢集,一齊支持佢哋撐落去。

Слава Україні.

YouTube收聽

成爲 Patreon 會員除咗有足本逐字稿,仲有得投票、參與Discord,同埋以下額外內容添!
-淺談斯拉夫語「硬、軟」元音
-「蘭」仲有一個意想不到嘅意思
如果想單次打賞,亦都可以請我哋飲杯咖啡! 記得留個message支持烏克蘭,你嘅貢獻就會併入我哋嘅捐款。

Continue reading

生日做咩好?梗係去蘇格蘭睇牛牛啦。

【粵文字幕】下面足本版

Wise低價國際轉賬,首次免手續費
VOXI:無限社交媒體、無限睇片嘅平靚正電訊商
brsk光纖入屋,終於擺脫英國龜速上網
Big Brother is watching,去到邊度都要保護自己!買兩年NordVPN,即送4個月!
同我學外語
送你US$10搵老師學語言

Continue reading

冬奧運動員5+1秒輕鬆移民中國,得到手嘅,竟然係御賜姓名!

講嘢唔想1999,原來語言學幫到手!唔單止寫潮文,仲有棟篤笑、以色列喺網上激嬲人,都有一個共通點?同我哋一齊發掘下Grice(隔離時?)嘅合作原則(美心?)啦。

今集嘅〈飲水.思源〉,同大家講下漫遊嘅咖啡。

喺YouTube收聽

成爲 Patreon 會員除咗有足本逐字稿,仲有得投票、參與Discord添!

如果想單次打賞,亦都可以請我哋飲杯咖啡

Continue reading

明明刨正🟩🟩🟩🟩🟩,為何彈出⬛️🟨⬛️⬛️⬛️?

踢破間諜最好嘅方法竟然係加減數?

法文同丹麥文數字邊個難學啲呢?

今集嘅《絮言·狂想》同探索下大家充滿數字嘅人生,等各位聽眾心中有數。

喺YouTube收聽

成爲 Patreon 會員除咗有足本逐字稿,仲有得投票、參與Discord,同埋以下額外內容添!
-「先乘除後加減」嘅英文成日誤導人

Continue reading

喺英國駁天線睇電視,同香港好唔同。

喺香港,一係你就噉駁就睇到,唔使錢;一係你畀月費,人哋同你特別裝個機頂盒,用嚟睇佢哋獨家嘅台。

英國有所謂TV Licence(電視牌照),睇某啲電視台要畀錢。

費用係一年£159,除返開係£13左右一個月。老實講,仲貴過英國Netflix(更惶論香港Netflix),如果你當係訂閱嗰啲頻道嘅話,唔係好值。所以先有咁多香港人問,可唔可以唔買。你諗做電視稅啦,買咗係為咗合法。

佢個官網好鍾意提佢有得揀黑白電視牌照,£53.5一年,但係……邊鬼個會買啊??

香港人初嚟報到,可能唔清楚細節,就草率決定畀錢或者唔畀錢。

以下係幾條常見問題,由最重要嗰條開始:

我使唔使買牌照?

長話短說,如果你有睇以下內容,就要畀錢

Continue reading

今年我哋嘅主持s有幾「多鄰國」?點解英國嘅政壇人物個個都有個古雅嘅中文名?因乜解究越南人有四成姓阮?聖誕同老人啲名又有啲咩淵源?

柔道姓誕,柔道姓誕,今集我哋尺度大開討論「姓」事!

喺YouTube收聽

成爲 Patreon 會員除咗有足本逐字稿,仲有得投票、參與Discord,同埋以下額外內容添!
-主持譯外國官員名
-荷蘭文發音好痛苦

Continue reading