《絮言．狂想》一歲喇！
我哋喺一個星期六嘅下午／夜晚，同幾位親愛嘅Patreon支持者吹下水。
順便揭盅，到底上一集以色列去咗邊？
如果想參與下一次直播，即刻嚟Patreon課金支持，仲有得投票、參與Discord羣體添！
成爲 Patreon 會員除咗有足本逐字稿，仲有得投票、參與Discord添！
本集特別鳴謝：Klaus、Anthony、サム、阿擇、Ceci
同埋出席直播嘅朋友！
Continue reading絮言．狂想一週年紀念直播！
Category: 絮言．狂想
絮言．狂想#023：乜你啲公仔可以有聲㗎？
其實alphabet點解叫alphabet？
熟悉嘅日本語，同神祕嘅CWY語，有啲乜嘢共通點？
文字界最偉大嘅人物，應該頒畀邊個？
喺書寫系統系列ᏟᏞᏚ嘅下集，一齊睇住我哋越講越興奮！
成爲 Patreon 會員除咗有足本逐字稿，仲有得投票、參與Discord添！
一週年慶典，今集有以下特別多嘅額外內容！
-用韓文字母寫嘅印尼語言？
-用箭咀點樣寫到一個語言出嚟？
-男人學唔到嘅文字？！
記住2021年10月2號香港時間9pm，一齊嚟聽直播問問題！
Continue reading絮言．狂想#022：對唔字，借咗你隻文字
你識唔識得寫古埃及草書呢？
如果寫字書文嘅序順唔響讀閱影，噉唔寫元音又有幾dffclt呢？
今集絮言狂想，我哋嚟純語音講字，講下世界古今嘅語素文字 (logography)、輔音音素文字 (abjad) 同全音素文字 (alphabet)。
成爲 Patreon 會員除咗有足本逐字稿，仲有得投票、參與Discord，同埋以下額外內容添！
-波斯文係點樣寫？
記住2021年10月2號香港時間9pm，一齊嚟聽直播問問題！
Continue reading絮言．狂想#021: 搞錯啊，自己母語都可以咁渣（客串：Adam）
今集唔單止有特別嘉賓，仲有放假mode嘅以色列添！
一出發先發現，喺網上咁辛苦學一隻語言，原來去到現實世界都係棘棘下！
至於唔同嘅文化，對自己母語有啲咩態度？
對外語有興趣，又應該揀讀外語定讀語言學？
一齊睇下Adam有咩獨有嘅見解先！
嘉賓：
Adam
成爲 Patreon 會員除咗有足本逐字稿，仲有得投票、參與Discord，同埋以下額外內容添！
-講普通話用多啲腦？
絮言．狂想#020: 呢度唔係＿＿＿＿，唔需要證據！
熱烈祝賀《絮言．狂想》第二十集！
三苗考完試就開始學一隻神祕嘅新語言，到底呢隻語言，點樣可以揭發唔講證據嘅人呢？
「ouoques」又同廣東話有啲咩關係？
香港運動員喺東京奧運報捷連連，自從開幕禮之後，睇比賽期間，又出現過啲乜嘢語言嘅開心大發現？
今集《絮言》一貫狂想嘅風格，帶大家由南歐飛去香港，去轉法國再返返東京！
成爲 Patreon 會員除咗有足本逐字稿，仲有得投票、參與Discord，同埋以下額外內容添！
– suffix vs clitic
絮言．狂想#019：學外語平台大亂鬥？
以色列第一次衝出國際，上咗英文版嘅《絮言》！？
奧運開幕點解啲國家唔跟 ABC 排，B 完又 P，突然跳去 F 又去返 B？
咁多人都用 Duolingo，係咪真係好用呢？「虛擬同學學習法」又係咩嚟嘅呢？
今集《絮言・狂想》同大家了解下各大語言學習平台，等大家學外語事半功倍！
成爲 Patreon 會員除咗有足本逐字稿，仲有得投票、參與Discord，同埋以下額外內容添！
– 三苗評論語音合成
絮言．狂想#018：時空穿粵方言學（客串：mek1）
上集講完咩為之「方言」，可能好多聽眾都好關心，到底我哋講緊嘅粵語，又有咩方言呢？
大家可能聽過台山話、南寧話，但係原來粵語方言千變萬化，當中都出現一啲意想不到嘅特色。
你以為好怪雞嘅語音，原來喺附近又已經揾得到？研究方言，又係咪一定要帶部錄音機去農村？
今集揾咗方言學博士生阿mek1，帶大家認識粵語七大片嘅有趣地方，同埋介紹下方言學（Dialectology）會做乜嘢啦！
記得攞定張地圖出嚟，跟住一齊學嘢喇！
嘉賓：
mek1
成爲會員除咗有足本逐字稿，仲有得投票、參與Discord添！
Continue reading絮言．狂想#017：方言連續睇
粵語到底係咪方言？
究竟乜嘢係方言，又係咪等於dialect？如果唔係，有冇其他譯法？
到底語言、方言係語言學標籤，定係政治標籤？
三條村點由講一隻話變成講三隻話？明明係同一隻話，點解啲人要堅持標籤成四隻唔同嘅語言？
成爲會員除咗有足本逐字稿，仲有得投票、參與Discord添！
Continue reading絮言．狂想#016：我嘅pronoun係佢／佢／佢
中國教育部想香港點改變語言教育政策？iOS加拼音打粵語但係冇粵語輸入係咩玩法？究竟同志要驕傲定自豪？原來單數they仲耐過單數you？點解瑞典文要抄鄰國話嘅「佢」？點解唔可以講「我娶畀你」？
今集絮言．狂想同你跨越「同志自豪月」 (Pride Month)，遊走喺語言、社會、性／別之間。
成爲會員除咗有足本逐字稿，仲有得投票、參與Discord，同埋以下額外內容添！
- #Pride 廣東話點譯好？
- gay有冇大細階之分？
- 親戚稱謂有冇得性別中立？
絮言．狂想#015：雙層語言巨無霸，書面中文廣東話
香港人口講粵語，手寫華文，看似獨特，但係原來唔少地方都有呢種「雙層語言」（diglossia）嘅現象！
古今中外，有啲文化會言文不一，有啲就會根據語境，選用唔同嘅口語。到底仲有咩「玩法」？喺邊度又會揾到呢啲現象？其實正式、日常語言嘅分野，又算唔算係雙層語言嘅一種？
多謝Patreon嘅支持者，首次投票選出本集主題！
成爲會員除咗有足本逐字稿，仲有得投票、參與Discord添！
Continue reading